community leaders fact sheet luo

THE REPUBLIC OF UGANDA
MINISTRY OF HEALTH
Two Malaria obedo two acel ame mako jo apol, kelo too kede can adwong I Uganda. Two
malaria kobo ka Ober adako ame olwongo ni(female Anophelies mosquitoe) okao dano. Dong
kiro ober gengo kobo atwo malaria.
Ministry me yot kom otyeko ye me tic kede yore me kiro yat iudi ajo calo yoo acel aber me
gengo kede juku two malaria.
IRS obedo kiro yat ame rii pi kare alac ikor oot pi miti me neko ober akelo two malaria.
Apac District oyero pien twoye kede too acalo adwogi me two malaria dwong iyi aloo ducu I Uganda. Yat ame atic
kede obedo DDT.
DDT obedo yat aber adang tio aber. Ministry me yot kom, dul ame loo yot kom iwi lobo ducu (WHO), dul ame lo kan
ame oguro wa(NEMA)kede dul ame lo kop ikom yen (NDA)dang omoko.Yati dong otio kede ilobe apol apapat abongo
peko moro.
Kiro yati, jo ame opwonyo kede otela ame oyero ikin paco iyi Gombola acel-acel en aye bino tic iye. Otic ame loo kop
me yot kom iyi Apac District kun kubere kede otic me ministry me yot kom en aye bino neno kit atici awot kede.
Otic ame lo kop me yot kom I District kede en ame yaa Ministry me yot kom tye kwayo lwak lung ikin
paco me cwako gi itic man kiti:
• Ooto lwak me kin paco me cwako kede note itici.
• Miyo jo ikin paco ngeyo ber atici kede me kubu gi kede otic ame akiro wudi.
• Neno ni wudi ajo ducu ikin paco okiro pi miyo adwogi aber.
• Konyo jo ikin paco nwongo kony ka otye kede peko moro akwako kit ame kiro wudi obedo kede iyi
paci gi.
• Doto ngatoro keken ame oneno tye attics kede DDT iyore arac bot otic me District. DDT myero ti kede
keken me gengo two malaria.
Otic me yot kom i District kede me Ministry me yot kom tye akwayo otela ikin paci me pwonyo kede
yubo jo me cwako tici. Otela myero neni jo otimo jami magi:
• Ting ite cwalo oko jami mogo ame tingere iyi ot bala cem, pii, jami me tedo, kede jami mogo apir gi tek
ame pe ru ocako kiro yii oot.
• Nen ni jo ame kom gi lit, leyi me paco, kede winyi bala gwen dang ocwalo oko ame pe ru ocako kiro
oot.
• Mi pii acil jeriken acel me kiro yat iyi oot.
• Yeyi jo ame akiro yat dony iyi odi eka ote kiro yat iye
• Bed oko pi cawa aromo 2 iyonge kiro yat iyi oot.
• Wee onyo ijwa di ot iyonge cawa 2, ame peru otino kede leyi mogo ame opito paco odonyo iyi ot
• Cok kudi ame ototoa kede pii ame ojwao kede dii ot ite onyo iyi coron
• Pe ipu onyo iling kor oot iyie ame okiro pi dwete abongwen.
Me miyo yub me kiro yat iudi ajo wot iyore aber pire tek me jo ducu inote kede ribo cing
Ka ngatoro tye kede apeny amako kiro yat iyi udi ajo omyero cwal apenyere I office adwong me
yot kom iyi Apac District onyo ot yatoro keken ame cok kedi pi nwongo ngec okene.
Cwak tic me kiro yat iyi udi…
Nek ober…
Lweny ikom malaria