`Anggapo so Kigapolan` Parad Saramay Mangaaro ed si Jehova
Transkript
`Anggapo so Kigapolan` Parad Saramay Mangaaro ed si Jehova
M ARSO 1 5, 201 3 34567 AARALEN IRAN ARTIKULO ABRIL 29–MAYO 5 ‘Anggapo so Kigapolan’ Parad Saramay Mangaaro ed si Jehova PAHINA 3 ˙ SARAY KANSIONEN: 45, 32 MAYO 6-12 Kasin Walaan Kay “Puso a Mangamta” ed si Jehova? PAHINA 8 ˙ SARAY KANSIONEN: 62, 60 MAYO 13-19 “Natan ta Kabat Yo Lay Dios”—Antoy Gawaen Yo? PAHINA 13 ˙ SARAY KANSIONEN: 81, 135 MAYO 20-26 Jehova —Say Ayaman Tayo PAHINA 19 ˙ SARAY KANSIONEN: 51, 95 MAYO 27–HUNYO 2 Igalang so Maglorian Ngaran nen Jehova PAHINA 24 ˙ SARAY KANSIONEN: 27, 101 AARALEN IRAN ARTIKULO ˇ ‘Anggapo so Kigapolan’ Parad Saramay Mangaaro ed si Jehova Kaiba so amin ya Kristiano ed lumba parad bilay ya andi-angga. Balet lapud atawir tayon kasalanan, nagagapol itayo. Tulongan itayo na sayan artikulo ya nibiig so limaran pakagapolan, tan no antoy gawaen tayo pian makasabid finish line. FINLAND APIS: Say Finland et walaan na andukey ya baybay tan dakel ya isla. Wala ray nilibon linok (lake) lalo lad central tan eastern Finland. Manbabaloto iray agagin temporaryo ya ontutulong ed saray lugar ya baleg so pankaukolan no manpupulong ira ˇ Kasin Walaan Kay “Puso a Mangamta” ed si Jehova? Dakel so naaralan tayod libro na Jeremias nipaakar ed simbolikon puso. Tulongan itayo na sayan artikulo ya natalosan no anto so ‘ag-agalsiman a puso’ tan akin ya delikado itan anggan diad saray Kristiano. Tan no panon itayon nawalaan na “puso a mangamta” ed si Jehova.—Jer. 9:26; 24:7. POPULASYON: 5,375,276 ˇ “Natan ta Kabat Yo Lay Dios”—Antoy Gawaen Yo? RATIO: 1 Tasi ed 283 ya totoo Anto ray kaukolan tayon gawaen pian nakabat tayoy Dios tan nakabat to itayo? Akin ya kaukolan so tuloytuloy ya iyaligwas anggan matatken tayo lad espiritual, tan panon? Naebatan ed sayan artikulo irayan tepet. BILANG NA REGULAR PAYUNIR: 1,824 ˇ Jehova—Say Ayaman Tayo DIA MET ED SAYAN ISYU 18 Awaten so Ligliwa—Ligliwaen Met so Arum 29 Talaga Kasin Insulat Itan nen Josephus? 30 Agkan Balot Nanaandiay Ilalo! 34567 Sayan publikasyon et ag-ilalako. Itatarya iya bilang kabiangan na sankamundoan a kimey na panagbangat ed Biblia a susuportaan na boluntaryon donasyon. Manbibilay itayod mundo ya mamubusol ed sikatayo, balet ag-itayo ontatakot. Nanengneng tayod sayan artikulo no panon ya magmaliw a peteg ya ayaman tayo si Jehova. ˇ Igalang so Maglorian Ngaran nen Jehova Antoy kabaliksan na pakapikabat ed ngaran na Dios? Antoy kabaliksan na panakar ed satan a ngaran? Tan antoy nalilikna na Dios ed saramay agmanrerespeto ed ngaran to? Naebatan iraya ed sayan artikulo. March 15, 2013 Vol. 134, No. 6 Monthly and supplemental bimonthly editions PANGASINAN Likud no sananey a bersion so akaiyan, saray teksto ed Griegon Kasulatan et inala ed Balon Mundo a Patalos na Kristianon Griegon Kasulatan. Tan saray teksto ed Hebreon Kasulatan et inala ed Say Biblia, Philippine Bible Society ya inusaran na modernon ortograpiya, tan NW so akaiyan no inala ed New World Translation of the Holy Scriptures. Publishers: Watchtower Bible and Tract Society of New York, Inc. 5 2013 Watch Tower Bible and Tract Society of Pennsylvania. All rights reserved. Printed in Japan. ‘ANGGAPO SO K IGAPOLAN’ PARAD SARAMAY M ANGAARO ED SI JEHOVA “Abalbaleg a kareenan so wala ed saray mangaro na ganggan mo, tan anggapo a balot so sengegay kigapolan da.”—SAL. 119:165. ANTOY EBAT MO? Akin ya nibagan milulumba iray Kristiano, tan antoy premyo? Anto ray nayarin pakagapolan na sakey a Kristiano? Akin a nibagan anggapon balot so kigapolan parad saramay mangaaro ed ganggan nen Jehova? TINEDYER ni labat si Mary Decker, sikatoy kabkabat lan maples a bumabatik. Nen 1984 Summer Olympics, sikato so iilaloan ya manalo na gold medal ed 3,000-meter final. Balet, sikatoy ag-akasabid finish line. Sikatoy apatir na kalumba to tan nipasubsob. Manak-akis dan inalsa tan adismayan maong. Ingen, agsinmuko si Mary. Anggapo ni sakey taon, akilumba lamet ed 1.6 kilometer race tan akagaway balon world record nen 1985. 2 Bilang Kristiano, milulumba itayo ed simbolikon paraan. Kaukolan a say gagala tayo et manalo. Balet aliwa iyan papelesan odino pataypatay ya kababatik. Imbes, singa iya marathon ya kaukolay anos pian manalo. Inusar nen apostol Pablo so alimbawa na sakey ya milulumba sanen sinulat to ray Kristiano ed Corinto, syudad ya kabkabat ed kompetisyon na saray atleta. Oniay insulat to: “Agyo ta amta a saray milulumba ed batik et ombabatik iran amin, balet saksakey so makaawat na premyo? Ombatik kayo ta pian naawat yo itan.”—1 Cor. 9:24. 3 Ibabaga na Biblia ya mila itayo ed sayan simbolikon lumba. (Basaen so 1 Corinto 9:25-27.) Say premyo et bilay ya andi-angga diad tawen parad saray alanaan ya Kristiano tan diad dalin parad saray arum ya kaibad lumba. Aliwan singa ed maslak ya kompetisyon na saray atleta, makaawat na premyo so amin ya mila 1. Panon ya iyiilustra na sakey ya bumabatik so determinasyon tayon ag-onsuko? 2. Akin ya nibagan milulumba iray tuan Kristiano, tan antoy kaukolan ya gagala tayo? 3. Akin ya amin a milad lumba et nayarin makaawat na bilay ya andi-angga? 3 No atumba ka, awat moy tulong tan bangon ka! tan mansungdo anggad anggaan. (Mat. 24:13) Natalo labat iray kaibad lumba no agda unorey totontonen odino ag-ira makasabid finish line. Sakey ni, saya labat ya lumba so mangiiter na premyon bilay ya andi-angga. 4 Aliwan mainomay so makasabid finish line. Kaukolay disiplina tan determinasyon. Saksakey labat so toon akasabid finish line ya agbalot nigapol, si Jesu-Kristo. Balet insulat na disipulo ton si Santiago ya saray papatumbok nen Kristo et naynay a “napatir odino natumba.” (Sant. 3:2, ftn.) On, aliwa itayon perpekto kanian no maminsan et napatir, ontantan, odino onkapuy itayo. Ompan natumba tayo ni ingen; balet onaalagey itayo tan itutuloy tayoy babatiken tayo. Wala ray grabe impakatumba da tan kaukolan day tulong pian makabangon tan nituloy day milumba anggad finish line. Posible sirin ya niga4. Akin ya aliwan mainomay so milumba parad bi- lay ya andi-angga? 4 pol odino natumba itayo, sagpaminsan o maminpiga ni ingen.—1 Ara. 8:46. NO NATUMBA KA, AGKA ONSUSUKO Nayarin inusar mo lay salitan “natumba” tan “niparukol” pian deskribien so espiritualidad na sakey. Sarayan salita ed Biblia et nayarin usaren ya parehoy kabaliksan, balet aliwan naynay ya ontan. Singa bilang, imanoen iray salitan inusar ed sakey ya bersikulod Biblia: “Say matunong et maminpiton natumba, tan seguradon ombangon; balet saray mauges et niparukol diad kairapan.”—Pro. 24:16, NW. 6 Ag-iyabuloy nen Jehova a saramay manmamatalek ed sikato et natumba odino niparukol lapud problema odino kasalanan, ya anggad agla ran balot makabangon. Seguradon tulongan itayo nen Jehova ya “ombangon,” lapud amta ton sikatoy inaro tayo. Duma balet iray mauges. 5 5, 6. (a) Akin ya ‘anggapon balot so kigapolan’ parad sakey a Kristiano, tan antoy makatulong pian ‘makabangon’? (b) Akin ya wala ray aglan balot akabangon? SAY PANAG-BANTAYAN Agda labay so patulongan ed masanton espiritu na Dios tan ed saray lingkor to. Diad saraman balet so ‘mangaaro ed ganggan nen Jehova,’ anggapon balot so kigapolan ya permanentin makapatunda ed sikara diad lumba parad bilay.—Basaen so Salmo 119:165. 7 Wala ray akagawa na angkelag iran kasalanan, aminpiga ni ingen lapud saray kakapuyan da. Balet matunong ni ran siansian ed arap nen Jehova no “ombangon” ira panamegley na impapuson pagbabawi tan panggawa na duga. Napaneknekan tayo itan ed samay impideneng na Dios ed Israel nensaman. (Isa. 41:9, 10) Diad Proverbio 24:16, aliwan say ‘pakatumba’ so indanet, noagta say ‘ibangon’ diad tulong na mapangasin Dios tayo. (Basaen so Isaias 55:7.) Maaro itayon papasesegen nen Jehova a Dios tan nen Jesu-Kristo ya “ombangon.”—Sal. 86:5; Juan 5:19. 8 Anggano natumba odino niparukol so sakey ya kaibad marathon, sarag toy ombangon a tampol tan ontuloy anggad finish line. Diad pilulumba tayo parad bilay ya andi-angga, agtayo amta so “agew tan oras” na pakasumpal na satan. (Mat. 24:36) Balet, no agtayo main-inomay a natumba, napansiansia tayoy peles tayo, makapantultuloy itayo, tan makasabi tayod finish line. Antoy gawaen tayo sirin pian agnatumba? PAKAGAPOLAN YA MANGAMPER ED IYAALIGWAS Pantongtongan tayo so limaran pakagapolan—saray personal a kakapuyan, saray pilalek na laman, ag-inkahustisya ya ginawa na kaagian, kairapan odino panamasegsegang, tan ag-inkaperpekto 9 7, 8. Antoy nepeg a gawaen na sakey pian anggan “natumba” et siansian abobonan na Dios? 9. Anto ran pakagapolan so pantongtongan tayo? MARSO 15, 2013 na arum. Balet tandaan ya anggano nigapol itayo, maan-anos si Jehova. Agto itayo bastabasta ipasen ya agmatoor. 10 Saray personal a kakapuyan et niyaliling ed saray baton atakatak ed pambabatikan. No nengnengen tayoy istoryay bilay nen Arin David tan apostol Pedro, walay duaran sankaimanon kakapuyan da—say agpakakontrol ed sarili tan takot ed too. 11 Nairapan si David ya mangontrol ed sarili to, singa diad samay ginawa tod si Bat-sheba. Tan sanen ininsulto nen Nabal, bengatbengat lawarin kinmiwas. Agto akontrol so sarili to, balet agbalot sinmuko pian napaliket toy Jehova. Diad tulong na arum, apapawil toy relasyon tod si Jehova. —1 Sam. 25:5-13, 32, 33; 2 Sam. 12:1-13. 12 Tinmakot ed too si Pedro kanian aminpigan nigapol, balet nansiansian matoor ed si Jehova tan Jesus. Alimbawa, imburi toy Katawan to, aliwa labat ya aminsan noagta amitlo. (Luc. 22:54-62) Insan nen kien, aliway impantrato tod saray agagin Gentil lapud impasen to ran mas abeba nen saray asegat ya Judion Kristiano. Balet dumay panmoria nen Pablo—nepeg ya anggapoy panangidumaduma ed kongregasyon. Sakbay ya naimpluensyaan nen Pedro iray agagi, arap-arapan ya sinimbawa nen Pablo si Pedro. (Gal. 2:1114) Kasin asakitan si Pedro tan tinmunda la? Andi. Inawat toy simbawa nen Pablo, inyaplika to, tan nansiansia ed lumba parad bilay. 13 No maminsan, say sengegan na personal a kakapuyan et say problemad bunigas. Posiblin mangamper iyad iyaaligwas ed espiritual na sakey ya anggad onkapuy 10, 11. Antoy kakapuyan nen David? 12. Panon ya akapansiansia ed lumba si Pedro anggano nigapol? 13. Panon a pakapuyen na problemad bunigas so espiritualidad na sakey? 5 la. Singa bilang, awalaan na graben sakit so sakey ya sister ed Japan 17 taon kayari impanbautismo to. Insentro toy imano tod pampatambal ya anggad kinmapuy ed espiritual tan nagmaliw ya inaktibo. Sikatoy binisita na duaran elder. Lapud apaseseg ed maaron impitongtong da, akiaral lamet. Inkuan to: “Akaakis ak sanen maar-aro da ak ya kinomusta.” Natan et sikato lay aktibo ed lumba parad bilay. 14 Saray pilalek na laman so akagapolan na dakel. No nasasagyat tayo ed saratan, kaukolan ya determinado itayon onkiwas a mansiansian malinis ed mental, moral, tan espiritual. Agtayo lilingwanan imay simbawa nen Jesus ya piguratibon “ibantak” so antokaman ya sengegay pankasalanan tayo, anggan say mata o lima tayo. Agta kaibad satan iray imoral ya kanonotan tan kiwas ya amatunda ed arum diad lumba parad bilay?—Basaen so Mateo 5: 29, 30. 15 Insulat na sakey a brother ya binmaleg a Kristiano ya agaylay irap ton nilabanay homoseksual ya tendensia to. Inkuan to: “Agko natatalosay sarilik. Singa agko ˜ antay lugaran ko.” Nen 20 anos to, sikatoy nan-regular payunir tan aturon ministeryal a lingkor ed kongregasyon. Balet akapankasalanan tan adisiplina, ingen inawat toy tulong na saray elder. Panamegley na pikakasi, impanaral ed Salita na Dios, tan impangisentro toy imano tod itulong ed arum, sikatoy akabangon tan inmaligwas lamet ed espiritual. Kalabas na pigaran taon, inamin to: “Pawilpawil nin siansia man ya liknaan, balet ta lalabanan ko. Naaralan kon ag-iyabuloy nen Jehova ya nipaarap ak ed tukson agko nasarag. Antak ya walay talek Ton nalabanan ko iya.” Oniay konklusyon to: “Amin ya sagpot ko 14, 15. Antoy nepeg ya gawaen no walay onlesan mauges ya pilalek? Mangiter na alimbawa. 6 et nabendisyonan diad balon mundo. Satan so pitalaran ko! Kanian, agak onsuko.” Sikatoy determinadon mansiansia ed lumba parad bilay. 16 Say ag-inkahustisya ya ginawa na kaagian so sakey nin pakagapolan. Diad France, inisip na sakey ya datin elder ya sikatoy biktima na ag-inkahustisya kanian binmarong. Tinmunda lan akiaral tan nagmaliw ya inaktibo. Sikatoy binisita na duaran elder tan dinengel dan amin so imbaga to, ag-iran balot sinmalet legan ton ibebesngaw so liknaan to. Pinaseseg dan ipasakbat tod si Jehova iray kapagaan to, tan indanet dan say sankaimportantian et say pamaliket ed Dios. Dinengel toy simbawa ra tan ag-abayag et pinmawil ed lumba parad bilay. Sikatoy aktibo lamet ed kongregasyon. 17 Nepeg ya isentro na amin ya Kristiano so imano ra ed Ulo na kongregasyon, si Jesu-Kristo, aliwan diad agperpekton totoo. Lapud saray mata nen Jesus et “singa mandarlang ya apoy,” asimbang so panmoria tod amin a bengatla, aliwan singa sikatayo. (Apo. 1:13-16) Alimbawa, nibiig to no duga odino aliway panmoria tayod saray ipapasen tayon ag-inkahustisya. Seguradon asikasoen nen Jesus iray pankaukolan na kongregasyon diad dugan panaon. Kanian, agtayo komon aabuloyan so ginawa o desisyon na saray kaagian tayo ya mangigapol ed sikatayo. 18 Say duara nin pakagapolan et say kairapan odino panamasegsegang, tan say ag-inkaperpekto na arum ed kongregasyon. Diad samay parabolo nen Jesus nipaakar 16, 17. (a) Antoy akatulong ed sakey ya brother a say amta to et abiktima na ag-inkahustisya? (b) Pian agnigapol, antoy nepeg ya akasentroay imano tayo? 18. Panon tayon nasungdoan iray subok odino mairap ya kipapasen? SAY PANAG-BANTAYAN ed managtanem, imbaga ton say “kairapan odino panamasegsegang” et pakagapolan na arum. Antokaman so sengegan na panamasegsegang—pamilya, kakaabay, odino gobierno—maininomay ya nigapol so sakey ya “aglinmamut” so katuaan ed puso to. (Mat. 13:21) Balet, no pansiansiaen tayon duga so motibo na puso tayo, tulongan itayo na mensahe na Panarian pian ombiskeg so pananisia tayo. Sano nasusubok, impapuson dalepdepen iray “bengatlan makapadinayew.” (Basaen so Filipos 4: 6-9.) Diad tulong nen Jehova, nasungdoan tayo ray subok tan ag-itayo nigapol na mairap iran kipapasen. 19 Makapaermen, diad apalabas iran taon et wala ray tinmundad lumba lapud ag-inkaperpekto na arum. Nigapol ira lapud agnaawat na konsiensia ra so gagawaen na arum. (1 Cor. 8:12, 13) No walay akaopendi ed sikatayo, kasin pabalegen tayo itan? Bibilinen na Biblia iray Kristiano ya mamerdona, agmanguukom, tan paliisay pangipilit ed personal ya panlabayan. (Luc. 6:37) No nipaarap kad ontan ya situasyon, tepetan moy sarilim: ‘Kasin uukomen koy arum base ed sarilin panmoriak? Anggano antak lan agperpekto iray agagi, kasin abuloyan ko itan ya mamatundad siak diad lumba parad bilay?’ Say panangaro ed si Jehova so ontulong ed sikatayon makasabid finish line, antokaman so gawaen na arum ya makapangigapol ed sikatayo. ANOSAY OMBATIK—PALIISAY PAKAGAPOLAN Kasin determinadom a ‘sumpalen so pambabatik’ mo? (2 Tim. 4:7, 8) Sirin, im20 19. No walay akaopendid sikatayo, antoy gawaen tayo pian ag-itayo nigapol? 20, 21. Antoy determinasyon mod pilulumbam parad bilay? MARSO 15, 2013 Agmo aabuloyan ya walay mangamper ed sikan makasabid finish line! portante so personal a panagaral. Usar moy Biblia tan saray publikasyon tayo diad pan-research, pandalepdep, tan pangibiig ed saray posiblin pakagapolan. Kerew moy tulong na masanton espiritu pian ombiskeg so espiritualidad mo. Tandaan ya anggano natumba odino niparukol itayo, sarag tayoy ombangon tan ituloy so pilulumba tayo. Nayarin makaaral tayo ni ingen ed saray situasyon ya akagapolan tan akasubokay pananisia tayo. 21 Unong ed Biblia, say pilumba parad bilay ya andi-angga et tuloytuloy, aliwan tunda-tunda. Aliwa iyan singa ilugan ed bus pian makasabid finish line. Kaukolan tayoy ombatik a mismo. No gawaen tayo itan, say “abalbaleg a kareenan” ya iiter nen Jehova so ontulong ed sikatayo. (Sal. 119:165) Makapanmatalek itayod tulong to natan, tan naawat tayoy agmanganggan panamendisyon to no makasabi tayod finish line.—Sant. 1:12. 7 K ASIN WALAAN K AY “PUSO A M ANGAMTA” ED SI JEHOVA? “Ikdan ko ra naani na puso a mangamta ed siak, a siak si Jehova; et sikara naani baley ko.”—JER. 24:7. ANTOY EBAT MO? Akin a nibagan ‘ag-agalsiman so puso’ na maslak ed saray Judio ed panaon nen Jeremias? Akin a kaukolan tayon usisaen so simbolikon puso tayo? Panon itayon nawalaay “puso a mangamta” ed si Jehova? AKATAWAY ka lay bunga na higos? Labalabay itan na saray Israelita nensaman. (Nah. 3:12; Luc. 13:6-9) Diad panaon tayo, dakel so bansan mantatanem ed satan. Walay fiber, antioxidants, tan minerals na higos, kanian wala ray manisian maong itan ed puso. 2 Diad samay mensahe nen Jehova ed si Jeremias, inusar toy higos pian deskribien so puso. Balet aliwan say maabig ya epekto ed laman na pangan na higos so tutukoyen na Dios, noagta simboliko. Samay imbaga nen Jehova et makatulong ed pusom tan ed puso na saray inad-arom. Legan tayon aaralen so imbaga to, nonoten no antoy kabaliksan na satan ed sikatayo ran Kristiano. 3 Pantongtongan tayon unona so impanukoy na Dios ed higos diad panaon nen Jeremias. Nen 617 B.C.E., aliwan marakep so espiritual a kipapasen na nasyoy Juda. Angiter na pasingawey so Dios no antoy nagawad arapen diad impanukoy tod duaran klase na higos—“sankaabigan” tan “sankaugsan.” (Basaen so Jeremias 24: 1-3.) Say tutukoyen na mauges iran higos et si Arin Zedekias tan saray kapara ton pairapen nen Arin Nabucodonosor tan saray sundalo to. Panon balet ira di Ezequiel, Daniel, tan saramay taloran kaiba to ya wala lad Babilonia, tan arum ya Judion magano lan aripenen ditan? Sikaray maabig ya higos. Ompawil so arum ed sikara diad Jerusalem pian ipaalagey lamet so templo. Asumpal itan ed dugan panaon.—Jer. 24:8-10; 25:11, 12; 29:10. 4 Oniay imbaga nen Jehova ed saramay irerepresen1, 2. Akin ya wala ray interesado ed higos? 3. Antoy tutukoyen na higos ya adeskribid kapitulo 24 na Jere- mias? 4. Akin a makapaseseg so imbaga na Dios nipaakar ed saray ma- abig ya higos? 8 SAY PANAG-BANTAYAN ta na maabig ya higos: “Ikdan ko ra naani na puso a mangamta ed siak, a siak si Jehova; et sikara naani baley ko.” (Jer. 24:7) Satan so makapaseseg ya pinagkateman teksto na sayan artikulo. Mabulos so Dios a mangiter na “puso a mangamta” ed sikato. Diad sayan teksto, say kabaliksan na salitan “puso” et say inkatoo na sakey. Seguradon labay moy nawalaan na ontan a klase na puso, tan magmaliw a kabiangan na totoo to. Pian nagamoran mo itan, kaukolan mon aralen tan iyaplika so Salita to, magbabawi tan manguman, idedika so bilay mod Dios, tan manpabautismo diad ngaran na Ama, Anak, tan masanton espiritu. (Mat. 28:19, 20; Gawa 3:19) Nayarin ginawam la iratan, odino regular ka lan mililimog ed Saray Tasi nen Jehova pian nagawaan mo iratan. 5 Balanglan agawaan tayo lay pigara odino amin ed saratan, kaukolan tayo nin siansia ya imanoen so ugali tan kondukta tayo. Akin? Naamtaan tayoy rason legan tayon aralen so sulat nen Jeremias nipaakar ed puso. Diad pigaran kapitulo na libro na Jeremias, pigaran nasyon so asalambit, balet say manunan tinukoy to et say Juda legan na uley na limaran ari to. (Jer. 1:15, 16) On, say mensahe nen Jeremias et nipaakar ed saray lalaki, bibii, tan ugugaw a dedikado ed si Jehova. Inmabobon iray atateng dan magmaliw a totoo na Dios. (Exo. 19:3-8) Tan diad panaon nen Jeremias, pinaneknekan dan sikaray dedikado ed Dios. Oniay imbaga ra: “Ondago kami ed sika; ta sika si Jehova a Dios mi.” (Jer. 3:22) Balet, anto kasi tuan kipapasen na puso ra? KAUKOLAN KASIN OPERAAN SO SIMBOLIKON PUSO? 6 Manguusar na modernon aparato iray 5. Parad siopa so mensahe nen Jeremias? 6. Akin a kaukolan tayon imanoen so imbaga na Dios nipaakar ed puso? MARSO 15, 2013 doktor pian eksaminen so kondisyon na puso. Balet mas ni so sarag nen Jehova ya singa ginawa tod panaon nen Jeremias. Napaneknekan tayo itan ed sayan imbaga To: “Say puso manamalingo alabas nen saray amin a bengatla, et sikato so mapalalo a mauges; siopa so makaamta ed sikato? Siak, si Jehova, . . . salien ko so puso, pian iter ko lanlamang ed balang too so unong ed saray dalan to, unong ed bunga na saray gawa to.” (Jer. 17:9, 10) Say balikas ya ‘salien so puso’ et aliwan eksaminasyon ed literal a puso, ya diad 70 odino 80 taon et nayarin omparok na manga taloran bilyon a beses. Imbes, tutukoyen nen Jehova so simbolikon “puso,” say inkatoo tayo. Lalaktipen na satan iray pilalek, kanonotan, personalidad, ugali, tan kalat tayo. Sarag na Dios ya eksaminen so puso, tan sarag tayo met itan. 7 Pian akaparaan tayo ed satan ya eksaminasyon, maabig no itepet tayo, ‘Antoy kipapasen na simbolikon puso na maslak ya Judio ed panaon nen Jeremias?’ Pian naebatan itan, imanoen so imbaga nen Jeremias: “Amin ya abung na Israel ag-ira agalsiman ed puso.” Aliwan literal ya panaggalsim o panagsegat ed lalakin Judio so tutukoyen to, ta inkuan to: “Nia, saray agew onsabi ra, kuan nen Jehova, a dusaen ko ra naani ya amin a ginalsiman dia ed agda kagalsiman.” Kanian anggano asegat iray Judio, “ag-ira agalsiman ed puso.” (Jer. 9:25, 26) Anto so labay ya ibaga na saya? 8 Naamtaan tayoy kabaliksan na ‘agagalsiman a puso’ diad samay ingganggan na Dios ed saray Judio: “Ekalen yo so akintapew a baog na puso yo, sikayo lalaki na Juda tan manaayam ed Jerusalem; ompan lamang say sanok ko ompaway . . . lapu 7. Panon ya deneskribe nen Jeremias so puso na maslak ya Judio ed panaon to? 8, 9. Antoy nepeg ya gawaen na maslak a Judio ed puso ra? 9 ed inkauges na saray gawa yo.” Balet iner so nanlapuan na inkauges da? Diad mismon puso ra. (Basaen so Marcos 7:20-23.) On, panamegley nen Jeremias et inusisa na Dios so sengegay inkauges na saray Judio. Say puso ra et benger tan rebelyoso. Agmakapaliket ed sikato so motibo tan kanonotan da. (Basaen so Jeremias 5:23, 24; 7:24-26.) Oniay imbaga na Dios ed sikara: “Galsiman yo so inkasikayo ed Jehova, tan ekalen yo so akintapew a baog na puso yo.” —Jer. 4:4; 18:11, 12. 9 Kanian, kaukolan na saray Judio ed panaon nen Jeremias so simbolikon operasyon ed puso—‘panggalsim ed puso’—a singa ed panaon nen Moises. (Deu. 10:16; 30:6) Say ‘pangekal ed akintapew a baog na puso’ et mankabaliksan na pangipulisay ed saray mamapaawet ed puso—say kanonotan, liknaan, odino motibo ya sumlang ed Dios.—Gawa 7:51. “PUSO A MANGAMTA” ED SIKATO NATAN Misalsalamat tayo ta tutulongan itayo na Dios a natalosan so simbolikon puso tayo! Balet nayarin itepet na arum, ‘Akin a kaukolan nin imanoen iya na Saray Tasi nen Jehova natan?’ Aliwan lapud dakel a 10 Kristiano natan so manggagaway inkauges odino magmamaliw a “mauges ya higos,” a singa saray Judio nensaman. Matoor tan malinis a totoo iray lingkor na Dios natan. Balet kaukolan tayo nin siansian ipikasi imay kinerew nen David ed si Jehova: “Sukayan mo ak, O Dios, et naamtaan mo so pusok; salsalien mo ak et naamtaan mo so nodnonot ko; tan nengneng mo no wala so anto a bagel a kagagawa ed inkasiak.”—Sal. 17:3; 139:23, 24. 11 Labay nen Jehova ya nawalaan tayoy maabig a relasyon ed sikato tan napansiansia itan. Oniay imbaga nen Jeremias nipaakar ed saray matunong: “O Jehova na saray ehersito a manalsali ed matunong, a nanengneng mo so puso tan kanonotan.” (Jer. 20:12) No say Makapanyarin-amin et uusisaen toy puso na kada matunong, agta kaukolan tayo met ya matuan usisaen so puso tayo? (Basaen so Salmo 11:5.) No gawaen tayo itan, nayarin walay naimano tayon papaaligwasen ed ugali, kalat, odino liknaan tayo. Nayarin wala ray nanengneng tayon singa “akintapew a baog na puso” ya kaukolan tayon ekalen. No eksaminen moy pusom, antoy nepeg mon imanoen? Tan panon kan manggaway pananguman?—Jer. 4:4. 12 Tandaan, ag-itayon balot piliten nen Jehova a manguman. Imbaga ton saray “maabig ya higos” et ‘ikdan to na puso a mangamta’ ed sikato. Agto imbaga ya piliten to ran manguman. Kaukolan ya pilaleken day nawalaan na matulok a puso ya mangamta ed Dios. Agta ontan met so nepeg tayon gawaen? 13 Oniay imbaga nen Jesus: “Say puso so panlalapuan na saray mauges a panagka11, 12. (a) Akin a kaukolan tayon usisaen so mis- mon puso tayo? (b) Antoy agbalot gawaen na Dios? 13, 14. Panon a nayarin apektaen na puso na sa- 10. Singa si David, antoy nepeg tayon ipikasi? 10 key a Kristiano so relasyon tod Dios? SAY PANAG-BANTAYAN Say pangusisa ed puso tan pangekal ed saray mauges a pilalek et manresultad bendisyon tunongan, panagpatey, pikakalugoran, pilalawanan, panagtakew, palson panagtasi, panag-ayew.” (Mat. 15:19) Kanian no mikalugoran odino milawanan so sakey lapud pinaawet to lay puso to tan agmagbabawi, nayarin permanentin naderal so relasyon tod Dios. Balet anggan agmanggawa na ontan a kasalanan so sakey, nayarin aabuloyan ton ontuboy mauges a pilalek ed puso to. (Basaen so Mateo 5:27, 28.) Kaukolan ed saya so personal a panangusisa ed puso. No eksaminen mon maong so pusom, wala kasi naimanom ya agmanepeg a liknaan ed agkaparan sekso odino maamot a pilalek ya aglabay na Dios tan kaukolan mon ekalen? 14 Nayarin say sakey ya agi et agmet aktual ya ‘amatey,’ balet ta aabuloyan ton ontuboy sanok ed puso to anggad busolen to lay kaagian to. (Lev. 19:17) Agta kaukolan ton gawaey anggaay nayarian ton ekalen itan a liknaan a nayarin mamaawet ed puso to?—Mat. 5:21, 22. 15 Makapaliket, anggapoy ontan a ‘sakit ed puso’ na dakel a Kristiano. Balet, sinalambit met nen Jesus so nipaakar ed 15, 16. (a) Mangiter na alimbawa no panon a say puso na sakey a Kristiano et nibagan ‘ag-agalsiman.’ (b) Akin ya agmakapaliket ed si Jehova so ‘ag-agalsiman a puso’? MARSO 15, 2013 “mauges a panagkatunongan.” Saraya et panmoria odino ugalin maneral ed dakel ya aspekto na bilay. Singa bilang, nayarin say sakey et sobray katooran tod saray kapamilya to. Siempre, natural labat ya nawalaay “panangaro” ed kapamilyaan, aliwan singa maslak a totoo ed sayan “kaunoran iran agew.” (2 Tim. 3:1, 3) Balet, posiblin nasobraan tayoy pangipanengneng ed ontan a panangaro. Irarason na dakel ya “blood is thicker than water.” Kanian, idepensa odino pilaan day kapamilya da anggan antoy nagawa, tan nasakitan ira no asakitay kapamilya da. Imanoen no antoy agawaan na saray kuya nen Dina. (Gen. 34:13, 25-30) Tan isipen no antoy walad puso nen Absalom kanian apatey toy agi tod ama ya si Amnon. (2 Sam. 13:1-30) Agta say sengegan na saratan et say “mauges a panagkatunongan”? 16 Agmamapatey iray tuan Kristiano natan. Balet panon to no manem-em iray sakit na linawa ed kaagian dan akasakit ed kapamilya da odino iinapen dan nanggawad satan? Nayarin paliisan da la iman ya agi odino agda lan balot parawesen. (Heb. 13:1, 2) Say ontan ya negatibon liknaan tan agpamarawes et agnepeg ya ibaliwala lapud aliwa itan a panangipanengneng na 11 No takotan tan aroen tayoy Jehova, ikdan to tayoy “puso a mangamta” ed sikato. Diad tua, satan so insipan tod saray alanaan a kabiangan na balon sipanan: “Iyan ko naani tunong ko ed saray akindalem a kabiangan da, tan dia ed puso ra sikato so isulat ko naani; et siak naani Dios da, et sikara naani baley ko.” Panon balet so pangamta ed sikato? Inyarum to: “Agla ra naani mangibangat balang laki ed kaabay to, tan balang laki ed agi to, a kuan da, Amtaen mo si Jehova; ta sikara amta ra ak naani ya amin, manlapu ed kamelagan ed sikara angga ed kabalbalgan ed sikara, . . . ta perdonaen ko naani inkauges da, tan agko la naani nonoten so kasalanan da.”—Jer. 31:31-34.1 19 Balanglan kaiba kad samay balon sipanan ed tawen odino diad dalin, nepeg mon paeleten so relasyon mod si Jehova tan magmaliw a kabiangan na totoo to. Pian nagamoran mo iratan a bendisyon, kaukolan ya naperdona iray kasalanan mo panamegley na dondon bagat nen Jesus. Lapud posiblin naperdona iray kasalanan mo, agta kaukolan mo met a perdonaen so arum pati saramay akasakit ed sika? Say mabulos a pangekal ed saray eem-eman mon sakit na linawa et maabig ed pusom. Napaneknekan mon agka labat manlilingkor ed si Jehova, noagta labay mon mas nakabat. Bilang resulta, magmaliw kan singa saramay angibagaan nen Jehova panamegley nen Jeremias na: “Anapen yo ak naani, et naromog yo ak, sano anapen yo ak ed simoon a puso yo. Et naromog yo ak.”—Jer. 29:13, 14. 18 aro. On, no eksaminen itan na Manangusisa na puso, satan et ‘ag-agalsiman.’ (Jer. 9: 25, 26) Tandaan so bilin nen Jehova: “Ekalen yo so akintapew a baog na puso yo.” —Jer. 4:4. NAWALAAN NA “PUSO A MANGAMTA” ED DIOS TAN PANSIANSIAEN ITAN Panon to no kayarim ya inusisay simbolikon pusom et naamtaan mon ag-itan sigpot a mitunosan ed panlabayan nen Jehova tan kaukolan nin ‘galsiman’? Nayarin wala ni takot mod too, pirawat ya onsikat odino onyaman, tendensian ipilit so panlabayan mo, odino manmatalek ed sarilim. Aliwan sika labat so makakalikna na ontan. (Jer. 7:24; 11:8) Insulat nen Jeremias a saray agmatoor ya Judio ed panaon to et “masugnar tan matunganga” so puso ra. Inyarum to: “Agda met ikuan ed puso ra, Takotan tayo natan la si Jehova a Dios tayo, a sikato so mangiter na uran.” (Jer. 5:23, 24) Agta ipapanengneng na satan ya pian ‘naekal so akintapew a baog na puso’ et kaukolan tayon mas takotan tan aroen si Jehova? Makatulong itan ya dugan takot pian magmaliw a matulok so puso tayod Dios. 17 17. Akin a say dugan takot ed si Jehova et makatulong pian nawalaay matulok a puso? 12 1 Say balon sipanan et nipaliwawa ed kapitulo 14 na libron Mensahe na Dios ed Sikatayo Panamegley nen Jeremias. 18. Antoy insipan nen Jehova ed saramay kabiangan na balon sipanan? 19. Anto ran bendisyon so nagamoran na saray tuan Kristiano? SAY PANAG-BANTAYAN “NATAN TA K ABAT YO LAY DIOS” —A NTOY GAWAEN YO? “Kabat yo lay Dios.” —GAL. 4:9. ANTOY EBAT MO? Akin a kaukolan tayon naynay ya i-check so espiritual a listaan tayo? Akin ya kaukolan so tuloytuloy ya iyaligwas anggan matatken tayo lad espiritual? Akin ya nepeg tayon usisaen so pananisia tan nonoten so dedikasyon tayod si Jehova? ANTIS ya manpatikyab na eroplano iray piloto, walay listaan ya kaukolan dan i-check. No agda itan sansakeyen ya nengnengen kada ombiahe ra, baleg so posibilidad ya walay nagawan aksidente. Siopad saray piloto so responsablin man-check ed satan kada ombiahe ra? Samay eksperiensyado! Balet posiblin ibaliwala to la itan tan agto la sansakeyen so akalista. 2 Singa saray maalwar ya piloto, sarag mo met so mangusar na listaan pian nasegurom ya ag-onkapuy so pananisiam lalo la no walay subok. Balanglan agano ka nin abautismoan odino abayag lan manlilingkor ed Dios, kaukolan mon usisaen so pananisia tan talek mod si Jehova. No agmo regular tan seetan ya i-check iratan, posiblin onkapuy kad espiritual. Oniay pasakbay na Biblia: “Samay maniisip a sikatoy akaalagey et manalwar komon ya agnatumba.” —1 Cor. 10:12. 3 Kaukolan na saray Kristiano ed Galacia nensaman ya usisaen so pananisia ra tan umaney datin panmoria ra. Panamegley na dondon nen Jesus et sarag na saray Kristiano ya lalon kabatey Dios tan magmaliw ya ananak To! (Gal. 4:9) Pian napansiansia ray relasyon dad Dios, kaukolan ya ipulisay na saray taga Galacia so bangat na saray panatikon Judio, ya mangipipilit nin siansia ed Mosaikon Ganggan. Agbalot nagmaliw a sakop na satan a Ganggan iray 1. Akin ya walay listaan ya kaukolan ya i-check na saray piloto antis iran manpatikyab? 2. Antoy kaukolan mon i-check? 3. Antoy kaukolan ya gawaen na saray Kristiano ed Galacia? 13 ag-asegat ya Gentil diad kongregasyon. Sirin, Judio man o Gentil, kaukolan dan paaligwasey espiritualidad da. Nepeg dan awaten ya anggapo la rad silong na Mosaikon Ganggan. SARAY GAWAEN PIAN NAKABAT SO DIOS ITUTULOY NA SARAMAY KABAT NA DIOS SO ONALIGWAS ED ESPIRITUAL No panon ya seseguroen na piloto ya na-check so listaan to kada ombiahe, kaukolan tayo met a regular ya i-check no kasin onaaligwas tayo ed espiritual. Oniay insulat nen Pablo ed si Timoteo: “Pansiansiam ed inkasika so pangaligan a maabig iran salita a nadngel mo ed siak pati say pananisia tan panangaro ed si Kristo Jesus.” (2 Tim. 1:13) Saraman ya “maabig iran salita” et walad Biblia. (1 Tim. 6:3) Singa say simplin drowing ya mangiiter na ideya no antoy itsura na sakey a bengatla, say ‘pangaligan a katuaan’ et ontulong met ed sikatayon naamtaan iray kakaukolanen nen Jehova ed sikatayo. Pantongtongan tayo natan iramay ginawa tayo antis itayon abautismoan pian nanengneng no kasin manbibilay itayo unong ed katuaan. 8 Say unona ed listaan tayo et say pangala na pikakabat. Insan, say pakawalaay pananisia. Balet kaukolan tayon tuloytuloy ya padaaken so pikakabat tan pabiskegey pananisia tayo. (2 Tes. 1:3) Kanian kayari bautismo tayo, kaukolan tayon itultuloy ya paeleten so relasyon tayod Dios, pian ag-ontunday iyaaligwas tayo. 9 Say iyaaligwas tayod espiritual et niyaliling ed ibabaleg na sakey a kiew. Nayarin ombaleg ya maong so sakey a kiew, lalo la no aralem so lamot to. Singa bilang, wala ray sedro na Lebanon ya ombaleg anggad singa katagey na 12-floor 7 Walay importantin gagala no akin ya akarekord so simbawa nen apostol Pablo ed saray taga Galacia: pian panonotan so amin a Kristiano ya agdan balot lilingwanan iray katuaan ed Biblia tan agla ompapawil ed saray binenegan da la. Saman ya impaisulat nen Jehova ed saray taga Galacia et makatulong ed sikatayon amin natan pian makapansiansia itayon matoor. 5 Maabig no nodnonoten tayo no panon itayon nagmaliw ya sakey ed Saray Tasi nen Jehova. Makatulong irayan duaran tepet: Kasin natandaan mo ni ray ginawam pian onkualipika kad bautismo? Natandaan mo ni no panon mon akabat so Dios tan no antoy aliknam sanen akabat to ka? 6 Walay siameran ginawa tayo sanen naamtaan tayoy katuaan. Akalista iratan ed kahon ya “Saray Ginawa Tayo Pian Nabautismoan tan Tuloytuloy ya Onaligwas.” No naynay tayon nodnonoten iraman ya ginawa tayo, ombiskeg so determinasyon tayon agla pawilen iray binenegan tayod sayan mundo. No panon ya seseguroen na maalwar ya piloto a nacheck so amin ya walad listaan to, kaukolan tayo met ya repasoen so espiritual ya listaan tayo. 7. Anton “pangaligan” so kaukolan tayon tumbo- 4, 5. Antoy insimbawa nen Pablo ed saray ta- 8, 9. (a) Akin a kaukolan tayon tuloytuloy ya pa- 4 ken, tan akin? ga Galacia, tan akin ya importante itan ed sikatayo? 6. Anton listaan so pantongtongan tayo? 14 daakey pikakabat tan pabiskegey pananisia tayo? (b) Iyilustra no akin ya importante so tuloytuloy ya iyaligwas ed espiritual. SAY PANAG-BANTAYAN ya bilding, angkakabaleg so lamot da tan onabet ed 12 metro so kalapar na sengeg da. (Kanta nen Sol. 5:15) Diad gapo, maples so ibaleg na satan a kiew. Legan ya onaaralem tan onaarawi nasasabi lamot to, ontatagey tan onlalapar met so sengeg to. Kabekta, ngalngali agla naimanoy ibabaleg to. Ontan met so espiritual ya iyaaligwas na sakey a Kristiano. Nayarin manlapud impanaral tayoy Biblia et maples so inyaligwas tayod espiritual anggad impanpabautismo tayo. Sankaimano na saray agagi so iyaaligwas tayo. Ompan nampayunir odino akaawat tayoy arum a pribilehyo. Kalabas na saray taon, nayarin agla tanto naimanoy iyaaligwas tayod espiritual. Balet kaukolan tayo nin siansian pabiskegey pananisia tan padaakey pikakabat tayo anggad “magmaliw itayon baleg lan too, a naabot tayoy suston kaatagey ya asabi nen Kristo.” (Efe. 4:13) Kanian no onaaligwas tayod espiritual, singa itayo bukel a tinmubo tan nagmaliw ya baleg a kiew. 10 Balet agkomon ditan mangangga so iyaligwas tayo. Kaukolan tayon padaakey pikakabat tan pabiskegey pananisia tayo pian mas onlamot itayod Salita na Dios. (Uli. 12:3) Dakel ya agagi so tuloytuloy ya manggagawa ed satan. Singa bilang, imbaga na sakey ya 30 taon lan elder ya sikatoy siansia nin onaaligwas ed espiritual. Inkuan to: “Mas nanaapresyak so Biblia. Dakel ni nanaaralan kon paraan no panon kon niyaplika iray prinsipyo tan ganggan ed Biblia. Lalok met ya naaaroy ministeryok.” PAELETEN SO PIKAKAARO ED DIOS 11 Makatulong met ed iyaligwas tayo 10. Akin ya kaukolan so tuloytuloy ya iyaaligwas anggan matatken lad espiritual? 11. Panon tayon mas nakabat si Jehova? MARSO 15, 2013 Tuloytuloy so ibabaleg na kiew, ontan met komon so iyaaligwas tayo so iyapit ed si Jehova bilang Kaaro tan Ama. Labay ton nalikna tayoy panangaro tan panangasikaso to, a singa say liknaan na sakey ya ugaw sano lakapen na maaron ateng to odino samay liknaan tayo no kaiba tayoy malet ya kaaro tayo. Siempre aliwa itan ya automatiko. Kaukolan so panaon pian nakabat tan naaro tayoy Jehova. Nagawaan tayo itan no mangigana tayoy panaon parad inagew-agew a panagbasay Biblia, pambasa ed kada isyu na Say Panag-bantayan tan Onliing!, tan arum nin publikasyon tayo. 12 Baleg so nitulong na impapuson 12. Antoy kaukolan tayon gawaen pian nakabat itayo nen Jehova? 15 pikakasi tan maabig ya pililimog pian onaligwas tayod espiritual. (Basaen so Malaquias 3:16.) Dedengelen nen Jehova so “masimoon a pikakasi” na saray kaaro to. (1 Ped. 3:12) Singa maaron ateng, tatalinengen to ray pikakasi tayo parad tulong. Kanian, kaukolan tayoy ‘mantultuloy ed pikakasi.’ (Roma 12:12) Ag-itayo mansiansian matatken ed espiritual no anggapoy tulong na Dios. Agtayo nasarag a bukor iray pananesdes na sayan mundo. No ag-itayo mantultuloy ed pikakasi, agtayo naawat so biskeg ya iiter nen Jehova. Kasin kontento ka la ed paraan na panagpikasim, odino wala ni ray papaaligwasen mo?—Jer. 16:19. 13 Inaro nen Jehova iramay “pasasalimbengan ed sikato,” kanian anggan kabat tayo lay Dios, siansia nin regular itayon mililimog ed saray kaaro to. (Nah. 1:7, NW) Dakel so pakadismayaan ed sayan mundo, kanian maabig no miulop tayod saray agagin mamabiskeg ed sikatayo. Akin? Lapud walad kongregasyon iray totoon mamaseseg ed sikatayon “mangaro tan manggawa na maabig.” (Heb. 10:24, 25) Agtayo niyaplika itan a simbawa nen Pablo no agtayo milimog ed kongregasyon. Seguroen tayo sirin ya kaibad listaan tayo so regular ya iyatendi tan pankomento ed saray aral. 14 Nagmaliw itayon Kristiano lapud nagbabawi tan anguman itayo. Balet aliwan pinsanan so pagbabawi. Aliwa itayon perpekto kanian magmainomay tayoy mankasalanan. Say kasalanan et singa uleg a naynay ya akaparaan a mangetket. (Roma 3:9, 10; 6:12-14) Agta13. Akin ya importante so pililimog ed saray agagi pian onaligwas ed espiritual? 14. Akin ya aliwan pinsanan so pagbabawi tan panguman? 16 yon balot iisipen ya anggapoy kakapuyan tayo. Makapaliket, maan-anos si Jehova legan tayon panggugunaetan a labanan iray kakapuyan tayo tan gagawaen iray nakaukolan a pananguman. (Fil. 2:12; 2 Ped. 3:9) Maabig no usaren tayoy panaon tan biskeg tayo diad panlingkor ed si Jehova, imbes ya diad sarilin panlabayan tayo. Oniay insulat na sakey ya sister: “Binmaleg ak ed katuaan, balet dumay panmoriak ed si Jehova. Antakotakot ko, tan parad siak et agkon balot napaliket.” Diad inlabas na panaon, ag-inmaligwas so espiritualidad to lapud wala ray lingon agawaan to. Intuloy to: “Aliwan lapud agko inaroy Jehova, noagta sikatoy agkon talaga kabat. Balet kayari dakel a pikakasi, ginapoan koy anguman. Aliknak ya inggiya ak nen Jehova a singa ugaw, maar-aro to ak a tutulongan ed saray problemak, maas-asikaso, tan ibabangat to ray nepeg kon gawaen.” 15 “Itultuloy yon ibaga ed totoo” so maong a balita. Satan so imbaga na anghel na Dios ed si Pedro tan arum ya apostol kayari mamilagron inkibulos dad prisoan. (Gawa 5:19-21) On, kaibad listaan tayo so sinimban pibiang ed ministeryo. Iimanoen nen Jehova tan Jesus so pananisia tan panlilingkor tayo. (Apo. 2:19) Onia ni inkuan na samay elder ya abitla nen niman: “Say panagpulong so sankaimportantian ed bilay tayo.” 16 Nonoten tayon naynay so dedikasyon tayo. Say sankaimportantian a walad sikatayo et say relasyon tayod si Jehova. Kabat to no siopa ray kayarian to. (Basa15. Antoy iimanoen nen Jehova tan Jesus? 16. Akin ya importantin nonoten tayon naynay so dedikasyon tayod si Jehova? SAY PANAG-BANTAYAN en so Isaias 44:5.) Kanian, kaukolan tayon i-check so relasyon tayod si Jehova tan ipikasin tulongan to tayon napaelet itan. Agtayo met lilingwanan so petsa na bautismo tayo lapud ipapanonot na satan so sankaimportantian a desisyon ya ginawa tayo. MANSUNGDO PIAN MANSIANSIAN MAAPIT ED SI JEHOVA Diad samay sulat nen Pablo ed saray taga Galacia, indanet to ya importante so pansungdo. (Gal. 6:9) Kaukolan tayo met iya natan ta dakel iray problema. Balet tulongan itayo nen Jehova. Kerewey tulong na masanton espiritu To pian nalikna tayoy liket tan deen anggano wala ray problema. (Mat. 7:7-11) Isipen iya: No aasikasoen nen Jehova iray siwit, agta mas asikasoen to ka ya mangaaro tan angidedika na bilay mo ed sikato? (Mat. 10:29-31) Antokaman so problemam, agka onsusuko. Amayamay so bendisyon ya naaawat tayo lapud kabat itayo nen Jehova! 18 No agano ka nin abautismoan, antoy gawaen mo? Itultuloy mon kabaten si Jehova pian ontatken kad espiritual. Tan no abayag ka lan abautismoan, antoy gawaen mo? Kaukolan mo nin siansian paaralemen tan padaaken so pikakabat mod si Jehova. Agtayo iisipen ya kabkabat tayo lay Jehova tan kontento ti’ lad relasyon tayod sikato. Imbes, naynay tayon i-check so espiritual ya listaan tayo pian naseguron oneelet so relasyon tayod maaron Ama, Kaaro, tan Dios tayo—si Jehova.—Basaen so 2 Corinto 13: 5, 6. 17 SARAY GINAWA TAYO PIAN NABAUTISMOAN TAN TULOYTULOY YA ONALIGWAS 1 ‘Kinabat’ tayoy Jehova tan say Anak to, si Jesu-Kristo.—Juan 17:3 2 Ombibiskeg so pananisia tayo legan ya onaaralem so pikakabat tayo. —Juan 3:16 3 Regular itayon manpipikasi ed si Jehova.—Gawa 2:21 4 Naynay itayon mililimog ed saray kapananisiaan tayo.—Heb. 10:24, 25 5 Pagbabawian tayo iray kasalanan tayo. —Gawa 17:30 6 Manguuman itayo, ipupulisay tayo iray mauges ya kagagawa.—Gawa 3:19 7 Papakiwasen itayo na pananisia tayon mitongtong ed arum diad publiko. —2 Cor. 4:13 8 Indedika tayoy sarili tayod si Jehova pian natumbok tayoy Jesus. —1 Ped. 4:2 9 Insimbolo tayoy dedikasyon tayo panamegley na bautismo ed danum. —1 Ped. 3:21 17. Akin ya kaukolan tayoy mansungdo pian mansiansian maapit ed si Jehova? 18. “Natan ta kabat [mo] lay Dios,” antoy nepeg mon gawaen? MARSO 15, 2013 17 Awaten so Ligliwa—Ligliwaen Met so Arum Lapud ag-itayo perpekto, amin tayo et mansasakit, say arum ni ingen et grabe sakit da. Panon tayon makapansungdo no oniay dadalanen tayon situasyon? Say sakey ya makatulong et say ligliwan iiter ed sikatayo na kapamilya, kakaaro, tan saray kaagian tayo. Say maaron balikas na kaaro et singa makarepresko tan makatambal a puyok. (Uli. 16:24; 18:24; 25:11) Balet aglabat nononoten na saray tuan Kristiano so pankaabigan da. Manggagawa met iray paraan ‘pian naligliwa iramay walad amin a klase na kairapan diad panamegley na ligliwa a panliligliwa na Dios ed sikara.’ (2 Cor. 1:4; Luc. 6:31) Naeksperiensya iyan mismo nen Antonio, sakey a manangasikaso na distrito diad Mexico. Nen naamtaan nen Antonio ya walay sakit ton lymphoma (kanser ed dala), agaylay ermen to. Balet, ginawa toy anggaay nayarian ton nalabanan so emosyon to. Panon? Mangipapatlep na saray Kingdom song insan to kansionen pian nadalepdep to iratan. Sikatoy naliligliwa met sano manpipikasin maksil tan manbabasay Biblia. Balet unong ed si Antonio, say akatulong na baleg ed sikato et saray agagi. Inkuan to: “No onkakapuy kami nen akulaw ko, kerewen mid sakey a kanayon min elder ed kongregasyon ya onlad abung tan ipikasian to kami. Akatulong itan pian naligliwa kami tan ondeey nonot mi. Diad tua,” so kuan to, “pisalamatan mi suporta na pamilya tan kaagian mi ta lapud sikara et aganggano min alabanan iray negatibon liknaan.” Talagan pisalsalamatan toy panangaro tan panangasikaso na sarayan kaaro to! Say sakey nin makatulong ed panaoy kairapan et say masanton espiritu. Imbaga nen apostol Pedro ya say masanton espiritu na Dios et “regalo.” (Gawa 2:38) Say tutukoyen dia nen Pedro et sanen alanaan na masanton espiritu iray patumbok nen Kristo nen Pentecostes 33 C.E. Balet, sarag tayo met ya naawat itan a regalo natan. Diad tua, say masanton espiritu et agnanaupot, kanian agta maabig no lanang tayon kerewen itan?—Isa. 40:28-31. 18 IYANSAKIT IRAMAY ONDADALAN ED IRAP Dakel ya irap so inanosan nen apostol Pablo, tan wala ra may pankanawnawan sikatoy ngalngali la ompatey. (2 Cor. 1:8-10) Balet, agto masyadon ninonot so ipatey to. Sikatoy aligliwa lapud amta ton sikatoy tutulongan na Dios. Insulat to: “Narayew komon so Dios tan Ama na Katawan tayon Jesu-Kristo, say Ama na maaron panangasi tan say Dios na amin a ligliwa, a manliligliwa ed sikatayo diad amin a kairapan tayo.” (2 Cor. 1:3, 4) Ag-inabuloyan nen Pablo ya sikatoy natalo na saray problema. Imbes, lapud saray subok ya sinungdoan to, naaralan toy milikna, kanian amta to no panon ya ligliwaen iramay ondadalan ed irap. Sanen inmabig lay Antonio, sikatoy pinmawil ed pribilehyo to bilang manangasikaso na distrito. Dati lan ipapanengneng toy panangiyansakit ed saray agagi, balet manlapu lad samay impansakit to et mas panggugunaetan dan sanasawa ya bisitaen tan pasesegen iray mansasakit. Singa bilang, sanen binisita nen Antonio so sakey ya agin grabe sakit to, naamtaan ton sayan agi et agto la labay so miaral. “Aliwan say agto la inaroy Jehova o saray agagi,” so kuan nen Antonio, “balet apektadon maong so emosyon to lapud sakit to kanian isipen ton anggapo lay kana to.” Say sakey ya akapaseseg ed sayan agi et sanen sikatoy impanpikasi nen Antonio diad aminsan ya impantutuyaw na saray agagi. Anggano say pakalikna na sayan agi et agto sarag, pinmayag lanlamang. Oniay kuan nen Antonio: “Balibali pikakasi to, tan kayari to man et singa duma lan too. Alikna ton wala lamet so kana to.” On, balang sakey ed sikatayo et walan walay aanosan ton irap. Balet singa kuan nen Pablo, lapud satan et sarag tayo met ya ligliwaen so arum ya ondadalan ed irap. Kanian, komon et tulongan tayo ray agagin maniirap tan aligen tayoy Dios a Jehova, diad panligliwa tayo ed arum. SAY PANAG-BANTAYAN JEHOVA —SAY AYAMAN TAYO “O Jehova, nagmaliw kan ayaman mi diad amin a henerasyon.” —SAL. 90:1, NW. ANTOY EBAT MO? Panon ya pinaneknekan nen Jehova a sikatoy peteg ya “ayaman” di Abraham, Isaac, tan Jacob? KASIN komportable kad sayan mundo? No andi, agmo bukbukor ta ontan met so liknaan na saray peteg a mangaaro ed si Jehova. Manlapu la nensaman, ipapasen dan sikaray sangkaili ed sayan mundo. Singa bilang, sanen onaalis-alis ed Canaan iray matoor ya lingkor na Dios, “inyabawag da a sikaray sangkaili tan miaayam labat.”—Heb. 11:13. 2 Ontan met so panmoria na saray alanaan a papatumbok nen Kristo ya say “kanepegan [da] bilang mibabaley et walad tawen.” Ipapasen dan sikaray “sangkaili tan miaayam ed sayan mundo.” (Fil. 3:20; 1 Ped. 2:11) Saray ‘arum a karnero’ nen Kristo et ‘agmet kabiangan na mundo, a singa si Jesus ya agkabiangan na mundo.’ (Juan 10:16; 17:16) Balet agto labay ya ibagan anggapoy “ayaman” na saray lingkor na Dios. Diad tua, panliliketan tayoy proteksion ya itatarya na maas-asikaso tan maar-aron ayaman tayo. Aliwa iyan literal ya ayaman. Insulat nen Moises: “O Jehova, nagmaliw kan ayaman mi diad amin a henerasyon.”1 (Sal. 90:1, NW) Akin ya nibagan si Jehova so peteg ya “ayaman” na saray matoor a lingkor to nensaman, natan, tan diad arapen? JEHOVA—PETEG YA “AYAMAN” NA SARAY LINGKOR TO NENSAMAN Antoy naaralan tayod impanmatoor nen Abraham? Singa saray dakel ya ilustrasyon ed Biblia, say Salmo 90:1 et walaan na tema, angikomparaan, tan piparaan. Say tema et si Jehova. Say angikomparaan ed sikato et ayaman, odino abung. Dakel so piparaan 3 Panon tayon nipanengneng a si Jehova so peteg ya “ayaman” tayo? 1 Oniay impangipatalos na Biblian Maung a Balita ed Salmo 90:1: “Katawan, sika lawas so abung mi diad amin ya kailalakan.” 1, 2. Antoy panmoria na saray lingkor na Dios ed sayan mundo, tan akin ya nibagan walay ayaman da? 3. Antoy angikomparaan ed si Jehova diad Salmo 90:1, tan akin? 19 “Agta ka taynan” nen Jehova ed ayaman. Alimbawa, proprotektaan to ray lingkor to. Mikonektaan iya ed samay ibabaga na Biblia a say Dios et aro. (1 Juan 4:8) Sakey ni, sikatoy Dios na kareenan tan seseguroen ton ‘manayam ya andi kaatapan’ iray matoor ed sikato. (Sal. 4:8) Singa bilang, nengnengen tayo no panon a si Jehova et nagmaliw ya ayaman di Abraham, Isaac, tan Jacob. 4 Mankelaw angankoy Abraham sanen inkuan nen Jehova: “Paway ka dia ed dalin mo, tan onarawi ka ed saray kakanayon mo, . . . ta onla ka ya angga ed sakey a dalin ya iturok ed sika.” No bilang ta apagaan si Abraham, seguradon aligliwa ed sayay sinmublay ya imbaga nen Je4, 5. Panon ya pinaneknekan na Dios a sikatoy peteg ya “ayaman” parad si Abraham? 20 hova: “Dia ed sika so panggawaan ko na sakey a baleg a nasyon, tan papalaren ta ka, tan gawaen so ngaran mo ya abalbaleg . . . Bendisyonan ko naani so saray manpilalek na kapalaran mo, tan isambak so mangisamba ed sika.”—Gen. 12:1-3. 5 Insipan nen Jehova ya bendisyonan tan protektaan toy Abraham tan saray ilalak to. (Gen. 26:1-6) Tinoor to itan. Singa bilang, agto inabuloyan so Faraon na Ehipto tan Ari na Gerar ya si Abimelec ya napatey si Abraham tan naasaway Sara. Prinotektaan met nen Jehova si Isaac tan Rebeca sanen agawa itan ed sikara. (Gen. 12:14-20; 20:1-14; 26:6-11) Oniay nabasa tayo: “Anggapo so too ya inabuloyan [nen Jehova] a nanggawa ed sikara na aliwaliwa; on, sikato angekal na arari nisengeg ed sikara, A kuan to, Agyo diwiten so saray pinuyokan ko, tan agkayo manggawa na duksa ed saray propetas ko.”—Sal. 105:14, 15. 6 Kaibad saraman ya propeta so apo nen Abraham ya si Jacob. Nen asabi panaon ya mangasaway Jacob, oniay bilin nen ama ton Isaac: “Agka mangaasawa naani manlapu ed saray bibii ya anak na Canaan. Alagey ka ta onla ka ed Padan-aram ed abung nen Betuel, ya ama nen inam; et mangasawa ka’d man na manlapu ed saray bibii ya anak nen Laban.” (Gen. 28:1, 2) Tinulok nen Jacob si Isaac. Tinaynan toy pamilya tod Canaan tan nambiahen bukor na nilasus ya kilometro paonlad Haran. (Gen. 28:10) Nayarin naisip to: ‘Anggad kapigan ak kasi diman? Patuloyen ak kasi nen pangamaen ko tan ikdan to ak na matakot ed Dios ya asawa?’ No bilang ta apagaan si Jacob, seguradon naandi itan kasabi tod Luz, manga 100 kilometro manlapud Beer-sheba. Akin kasi? 6. Antoy imbilin nen Isaac ed si Jacob, tan antoy nayarin naisip nen Jacob? SAY PANAG-BANTAYAN Diad Luz, nampanengneng si Jehova ed si Jacob diad kugip, ya kuan to: “Agmo lilingwanan a wala ak ed sika tan iyagel ta kad inerman a laen mo, tan ipawil ta kad sayan dalin. Agta ka taynan, anggad pakasumpal kon gawaen ya amin iray insipan kod sika.” (Gen. 28:15, MB) Seguradon apabiskeg tan aligliwa si Jacob ed saraman ya balikas! Kasin naimadyin mon pinmeles so akar to lapud eksayted lan makanengneng no panon ya sumpalen na Dios so imbaga To? No asalim lay inmarawi, nayarin pian manlingkor ed arum ya bansa, natatalosan moy alikna nen Jacob. Balet, seguradon apaneknekan mon agka pinaulyan nen Jehova. 8 Sanen akasabid Haran si Jacob, sikatoy malikeliket ya pinatuloy nen pangamaen ton Laban. Ag-abayag, inter toy Leah tan Raquel pian magmaliw ya asawa nen Jacob. Balet niloko nen Laban si Jacob ta aminsamplo ton inumay upa to! (Gen. 31:41, 42) Balet inanosan nen Jacob iratan ya amin lapud matalek ya sikatoy agpaulyan nen Jehova. On, sikatoy benendisyonan nen Jehova. Sanen pinapawil na Dios si Jacob ed Canaan, sikatoy “inmaligwas a maong . . . tan sikatoy awalaan na dakerakel a pulok tan lingkor iran lalaki tan bibii tan saray kamelyo tan saray asno.” (Gen. 30:43, NW) Lapud pisasalamat nen Jacob, oniay impikasi to: “Aliwa ak a makana ed kamelagan ed saray amin a maaro ya abig na linawa, tan amin a katuaan, ya impatnag mo ed saya so aripen mo; lapu ed say tayukor ko labat la so ibak a binmaliw ed sayan Jordan; tan natan nagmaliw ak a duara ya ulop.”—Gen. 32:10. 7 7. Diad sakey ya kugip, panon ya pinabiskeg na Dios si Jacob? 8, 9. Panon ya pinaneknekan nen Jehova a sikatoy peteg ya “ayaman” parad si Jacob, tan antoy naaralan tayod saya? MARSO 15, 2013 On, pinaneknekan na sarayan alimbawa imay pikakasi nen Moises: “O Jehova, nagmaliw kan ayaman mi diad amin a henerasyon”! (Sal. 90:1, NW) Si Jehova et onman ni anggad natan, “sikatoy agmanguuman-uman, ya aliwan singa say anino ya onggagalaw.” Aaroen, proprotektaan, tan aasikasoen to ray matoor ya lingkor to. (Sant. 1:17) Nengnengen tayo no panon. 9 JEHOVA—PETEG YA “AYAMAN” TAYO NATAN Isipen iyan situasyon: Nan-witness kad korte sumpad maimpluensyan sindikato. Say lider na satan et mautek, makapanyari, matila, tan managpatey. Antoy liknaan mo kapaway mod korte? Relaks? Siempre andi! Seguradon onkerew kay proteksion. Oniay situasyon na saray lingkor nen Jehova ya makmakpel a mantatasi sumpad maruksan kalaban to, si Satanas! (Basaen so Apocalipsis 12:17.) Balet, kasin apatunda nen Satanas iray lingkor na Dios? Andi! Diad tua, tuloytuloy itayon makakapanpulong. Nagagawaan tayo iya lapud sayan rason: Siansia nin si Jehova so salimbengan odino peteg ya “ayaman” tayo, lalo lad sayan kaunoran iran agew. (Basaen so Isaias 54:14, 17.) Balet, magmaliw labat a peteg ya ayaman tayo si Jehova no agtayo iyabuloy ya palikdoen itayo nen Satanas. 11 Makaaral tayo met ed alimbawa di Abraham, Isaac, tan Jacob. Anggano nanayam irad Canaan, ag-ira akiulop ed saray mauges tan imoral ya taga diman. (Gen. 27:46) Agda kaukolay listaan na saray 10 10. Akin ya segurado tayon si Jehova so peteg ya “ayaman” tayo anggad natan? 11. Antoy naaralan tayod si Abraham, Isaac, tan Jacob? 21 Pian ag-itayo napalikdo nen Satanas, kaukolan tayon pablien iray espiritual a tulong ya iiter nen Jehova ed saray lingkor to. Kaibad saratan so Kristianon pantitipon, panagdayew na pamilya, tan “langkap a lalaki”—saray pastol a tinuro na Dios ya mangasikaso tan ontulong ed sikatayo no wala ray subok. (Efe. 4:8-12) Oniay insulat nen Brother George Gangas ya datin membro na Mananguley ya Ulop: “Sano kaibak iray [totoo na Dios] singak kaibay pamilyak, diad espiritual a paraiso.” Kasin naliliknam met itan? 13 Say sakey nin maabig ya naaralan tayod si Abraham, Isaac, tan Jacob et say impansiansia ran dumad saray kakaabay da. Singa asalambit la ed parapo 1, “inyabawag da a sikaray sangkaili tan miaayam labat.” (Heb. 11:13) Kasin desidido kan mansiansian duma? Tua, aliwa itan ya mainomay. Balet diad tulong na Dios tan suporta na saray agagi, nasarag mo itan. Tandaan ya agmo bukbukor. Amin ya malabay a manlingkor ed si Jehova et nepeg a mipuligesgesan! (Efe. 6:12) Balet, seguradon manalo itayo no manmatalek tan manpasalimbeng tayod si Jehova. 14 Importante met ya aligen tayoy Abraham diad pangiteen na kamataan tayod premyo. (2 Cor. 4:18) Insulat nen apostol Pablo ya “aalagaren [nen Abraham] so syudad a walaan na saray tuan pundasyon, a say mangipaalagey tan manggawa ed satan et say Dios.” (Heb. 11:10) Satan a “syudad” et say Mesianikon Panarian. Inalagar itan nen Abraham. Diad sikatayo balet, agti la kaukolay manalagar ta manu12 Tutulongan tan proprotektaan na saray anghel na Dios iray lingkor to ganggan ya nepeg dan tumboken. Amta ra no antoy labay tan aglabay nen Jehova. Lapud sikato so ayaman da, agda labay so magmaliw a kabiangan na mundo. Nansiansia ran arawi ed satan anggad posible. Talagan maabig iran alimbawa parad sikatayo! Kasin gagawaen moy anggaay nayarian mon aligen so alimbawa ra diad panagpilim na kaulop tan panagligliwaan? Makapaermen ta wala ray agagin komportable ed mundo nen Satanas diad pigaran aspekto na bilay da. No walay ontan ya naliliknam, anggan daiset, ipikasim itan. Agmo lilingwanan ya si Satanas so manuuley ed sayan mundo. Sikatoy makasarili tan anggapoy panangaro to.—2 Cor. 4:4; Efe. 2:1, 2. 22 12. (a) Panon ya tutulongan nen Jehova iray lingkor to? (b) Antoy nibagam ed saray tulong ya iiter nen Jehova? 13. Antoy naaralan tayod Hebreos 11:13? 14. Anton “syudad” so inalagar na saray lingkor nen Jehova? SAY PANAG-BANTAYAN uley lay Panarian dimad tawen, tan papaneknekan na saray propesiya ed Biblia ya asingsingger la itan a manuley diad dalin. Kasin panisiaan mo itan? Kasin iyuunam so Panarian ed bilay mo tan mansiasiansia kan biig ed sayan mundo?—Basaen so 2 Pedro 3:11, 12. SAY PETEG YA “AYAMAN” TAYO LEGAN A MANASINGGER SO ANGGAAN 15 Legan a manasingger so kaderal na mundo nen Satanas, mas onloor so “kairapan.” (Mat. 24:7, 8) Tan seguradon onirap ya maong so bilay sano onggapo lay baleg ya irap. Nageba iray bilding, tan nataktakot ya maong iray totoo. (Hab. 3:16, 17) Lapud takot, ompan sikaray onamot ed “saray ungib tan diad saray leet na angkakabaleg a bato ed kapalandeyan.” (Apo. 6:15-17) Balet anggapoy ungib odino singa palandey ya organisasyon ed politika odino komersyo ya manprotekta ed sikara. 16 Balet diad saray lingkor na Dios, seguradon salimbengan ira nen Jehova, say peteg ya “ayaman” da. Singa si propetan Habacuc, “manliket [ira] naani ed si Jehova.” Sikaray ‘manliket ed Dios na kilalaban da.’ (Hab. 3:18) Panon ya magmaliw a peteg ya “ayaman” si Jehova legan na satan ya makapataktakot a panaon? Kaukolan tayon alagaren. Balet saya so segurado: Singa saray Israelita sanen pinmaway irad Ehipto, say “baleg ya ulop” et mansiansian organisado tan alertod panangigiya nen Jehova. (Apo. 7:9; basaen so Exodo 13:18.) Nayarin usaren nen Jehova so kongregasyon pian ipasabi instruksion to. Kanian saray nilibon kongregasyon ed interon mundo so posiblin nausar ya “silir” odino kuarto ya manprotekta ed saray to- 15. Antoy pansumpalan na saray manmamatalek ed sayan mundo? 16. Antoy nepeg ya panmoria tayod Kristianon kongregasyon, tan akin? MARSO 15, 2013 too na Dios a singa nipropesiyad Isaias 26:20. (Basaen.) Kasin importante ed sika iray pantitipon ed kongregasyon? Kasin tutuloken mon tampol iray instruksion ya iiter nen Jehova panamegley na kongregasyon?—Heb. 13:17. 17 Si Jehova so peteg ya “ayaman” na anggan saramay lingkor ton inatey a matoor antis na baleg ya irap. Panon? Diad inlabas na panaon kayari impatey di Abraham, Isaac, tan Jacob, oniay imbaga nen Jehova ed si Moises: “Siak so Dios nen . . . Abraham, say Dios nen Isaac, tan say Dios nen Jacob.” (Exo. 3:6) Kayarin inaon nen Jesus irayan salita, oniay inyarum to: “Sikato so Dios na saray mabilay, aliwan saray inaatey, lapud mabilay iran amin ed sikato.” (Luc. 20:38) On, parad si Jehova, singa mabilay la iramay lingkor ton inatey a matoor lapud segurado so kioli ra. —Ecl. 7:1. 18 Diad asingsingger lan balon mundo, si Jehova et magmaliw a peteg ya “ayaman” na saray lingkor to diad nikadkaduman paraan. Oniay ibabaga na Apocalipsis 21:3: “Nia! Say tolda na Dios et walad katooan, tan sikatoy miayam ed sikara.” Diad gapo, miayam si Jehova ed saray totoo panamegley nen Jesu-Kristo. Kayari sanlibon taon, sano nasumpal lay gagala na Dios diad dalin, iyawat la nen Jesus so Panarian ed Ama to. (1 Cor. 15:28) Diad satan, direkta lan uleyan nen Jehova iray perpekton totoo. Talagan marakdakep itan ya arapen tayo! Balet antis na satan, panggunaetan tayon aligey alimbawa na saray matoor tan gawaen tayon peteg ya “ayaman” si Jehova. 17. Akin ya nibagan si Jehova et peteg ya “ayaman” na anggan saramay lingkor ton inatey a matoor? 18. Diad balon mundo, panon a si Jehova et magmaliw a peteg ya “ayaman” na saray lingkor to diad nikadkaduman paraan? 23 IGALANG SO M AGLORIAN NGARAN NEN JEHOVA “Ligligaen ko [“Igloriak,” NW] so ngaran mo lawas lan lawas.”—SAL. 86:12. KASIN NIPALIWAWAM? Antoy kabaliksan na pakapikabat ed ngaran na Dios? AGPAPABLIEN na saray simbaan na Kakristianoan so ngaran na Dios. Alimbawa, oniay nabasa ed introduksion na Revised Standard Version: “Say pangusar ed ngaran na alenleneg a Dios . . . et talagan agmanepeg ed pananisia na Kristianon Simbaan ed interon mundo.” 2 Saray Tasi nen Jehova balet et mangiglogloria ed ngaran na Dios tan maliket iran natawag ed satan ya ngaran. (Basaen so Salmo 86:12; Isaias 43:10.) Ontan met, baleg so pribilehyo tayo ta natatalosan tayoy kabaliksan na satan a ngaran tan no akin ya kaukolan itan ya napasanto. (Mat. 6:9) Nepeg ya agtayon balot ibabaliwala itan ya pribilehyo. Kanian, pantongtongan tayo pa irayan taloran importantin tepet: Antoy kabaliksan na pakapikabat ed ngaran na Dios? Panon ton impanengneng ya sikatoy onkikiwas unong ed kabaliksan na ngaran to, ya lapud satan et lalo itan ya niglogloria? Tan panon itayon makapanakar ed ngaran nen Jehova? NO ANTOY KABALIKSAN NA PAKAPIKABAT ED NGARAN NA DIOS Panon ya kalkalnan impaamta nen Jehova so kabaliksan na ngaran to? Panon itayon makapanakar ed ngaran na Dios? 3 Say pakapikabat ed ngaran na Dios et aliwa labat lan basta amta tayoy salitan “Jehova.” Nepeg ya natatalosan tayo met so personalidad nen Jehova, saray kualidad tan gagala to, tan saray ginawa to ya nabasad Biblia, singa say impideneng tod saray lingkor to. Siempre, kalkalna ton iiter iyan pakatalos legan ton susumpalen so gagala to. (Uli. 4:18) Amta tayon impaamta nen Jehova so ngaran tod inmunan sanasawa ta binitla itan nen Eva sanen inyanak toy Cain. (Gen. 4:1) Amta met na saray matoor ya patriarka a singa di Noe, Abraham, Isaac, tan Jacob so ngaran na Dios. Apabpabli dan maong itan ya ngaran sanen naeksperiensya ran mismoy panamendisyon tan panangasikaso nen Jehova, tan sanen impaamta tod sika- 1, 2. Aliwan singa saray simbaan na Kakristianoan, panon ya ipapasen na Saray Tasi nen Jehova so ngaran na Dios? 3. Antoy kabaliksan na pakapikabat ed ngaran na Dios? 24 SAY PANAG-BANTAYAN ray nanduruman kabiangan na gagala to. Nen kien et impaamta na Dios so kabaliksan na ngaran to ed si Moises. ˜ 4 Basaen so Exodo 3:10-15. Sanen 80 anos nen Moises, oniay ingganggan na Dios ed sikato: “Itaynan mo so katooan ko ya anak na Israel diman ed Ehipto.” Marespeton nantepet si Moises, tan importante iyan tepet to. Singa to ibabagad Dios ya: ‘Antoy ngaran mo?’ Abayag met lan amta na totoo so ngaran na Dios, akin balet et intepet ni itan nen Moises? Mapatnag ya labay ton lalon nakabat imay mismon irerepresenta na satan a ngaran—sayan impormasyon et makatulong pian nakombinse to ray Israelita ya talagan iliktar ira na Dios. Duga met labat ya mapagay Moises no panon ton nakombinsi iray Israelita. Lapud abayag la ran naaripen, anganko et isipen da no kasin sarag iran iliktar na Dios na inmuunan atateng da. Diad tua, wala la ray Israelitan nandayew ed dirios na saray Ehipsio!—Eze. 20:7, 8. 5 Antoy ebat nen Jehova ed si Moises? Oniay inkuan to: “SIAK SO SIAK . . . Onia so salitaen mo naani ed saray anak na Israel, si SIAK so angibaki ed siak.”1 Insan inyarum to: “Si Jehova a Dios na saray atateng yo . . . imbaki to ak ed sikayo.” Diad orihinal ya lenguahe, samay balikas ya nipatalos a “SIAK SO SIAK” et mankabaliksan ya sarag nen Jehova so magmaliw ya antokaman a nakaukolan pian nasumpal iray gagala to. Idadanet sirin nen Jehova ed si Moises ya lanang Ton totooren iray sipan to. Kanian diad bersikulo 15 et oniay nabasa tayon imbagan mismo nen Jehova: “Sikato ’ya so ngaran ko ed andi-anggaan, tan sikato ’ya so pakanodnonotan ed saray amin a kailalakan.” Seguradon mandi1 Say ngaran na Dios et nanlapud Hebreon salitan mankabaliksan na “magmaliw.” Kanian say ngaran a “Jehova” et kabaliksan toy “Pagmaliwen To.” 4. Akin et tinepet nen Moises ed Dios so ngaran To, tan akin et walay rason nen Moises ya manpaga? 5. Panon ya impaamta nen Jehova so kabaliksan na ngaran to diad samay ebat tod si Moises? MARSO 15, 2013 Amta nen Moises so kabaliksan na ngaran na Dios, tan satan so amabiskeg ed pananisia to nayew si Moises tan binmiskeg so pananisia to lapud sayan impaamta nen Jehova ed sikato! KINMIWAS UNONG ED KABALIKSAN NA NGARAN TO 6 Kayarin ingganggan nen Jehova si Moises, Sikatoy tampol ya kinmiwas unong ed kabaliksan na ngaran to sanen inliktar toy Israel. Impabpaabeba toy Ehipto panamegley na samploran salot, tan pinaneknekan ton anggapoy pakayari na saray dirios da, pati say Faraon. (Exo. 12:12) Binelsay nen Jehova so Ambalangan Dayat, tan ditan to pinadalan iray Israelita, insan to nilener so Faraon tan say armada to. (Sal. 136:13-15) Diad “makapakebkebbiew” a kalawakan, 6, 7. Panon ya kinmiwas si Jehova unong ed kabaliksan na maglorian ngaran to? 25 pinansiansia nen Jehova ya mabilay iray totoo to diad impangitarya toy naakan tan nainum, anggano say karakel da et duara ya anggad taloran milyon odino onsulok ni ingen! Agto met inabuloyan ya ondaan iray kawes tan sandalyas da. (Deu. 1:19; 29:5) On, anggapoy antokaman ya makaamper ed si Jehova pian paneknekay kabaliksan na agnaparaan ya ngaran to. Oniay imbaga tod si Isaias: “Siak, siak lanlamang si Jehova; no aliwa a siak anggapo komon so manangilaban.”—Isa. 43:11. 7 Naimatonan met nen Josue, say sinmublay ed si Moises, iray makapakelkelaw ya ginawa nen Jehova ed Ehipto tan diad kalawakan. Kanian sanen asingger lan manampot so bilay to, oniay impapuson imbaga tod saray kapara ton Israelita: “Amta yo ed simoon a puso yo tan ed simoon a kamarerwa yo, ya anggapo so sakey a bengatla a linmiwat ed Agbinidbir na Faraon ya si Jehova so Dios amin a maong a bengabengatla a si Jehova a Dios yo sinalita to nipaakar ed sikayo; sikara so agawa ya amin ed sikayo, anggapo so sakey a bengatla a linmiwat ed sikara.” (Jos. 23:14) On, talagan tinoor nen Jehova so salita to, sinumpal ton amin iratan. 8 Diad panaon tayo, totooren met nen Jehova so amin a salita to. Panamegley na Anak to, impasakbay ton diad kaunoran iran agew et nipulong so mensahe na Panarian “ed interon dalin.” (Mat. 24:14) Siopa ta ni walaan na pakayarin ipasakbay itan, mangusar na totoon “abebay-aral tan ordinaryo,” tan seguroen ya nasumpal so kimey? (Gawa 4:13) Anggapo lay arum noag say Dios labat ya Makapanyarin-amin! Kanian sano manpupulong itayo, mibibiang tayon mismo ed pakasumpal na propesiyad Biblia, igagalang tayoy Ama tayo, tan ipapanengneng tayon impapuso so pangipipikasi tayon: “Napasanto komon so ngaran mo. Onsabi komon so panarian mo. Nagawa komon so linawam, a singa ed tawen, ontan met diad dalin.”—Mat. 6:9, 10. MAGLORIA SO NGARAN TO 9 Ag-abayag kayarin nibulos iray Israelita, walay balon betang ya inako nen Jehova parad sikara. Panamegley na Ganggan a sipanan, sikatoy nagmaliw ya ‘asawan laki’ na Israel, tan insipan ton gawaen toy amin a responsabilidad ya kaibad satan. (Jer. 3:14) Kanian say Israel so nagmaliw a simbolikon asawa tan pinilin nasyon nen Jehova. (Isa. 54:5, 6) No mabulos iran manpasakop ed sikato tan unoren da ray ganggan to, sikatoy mansiansian maong ya ‘Asawan Laki.’ Bendisyonan tan asikasoen to ra, tan ikdan to ra na kareenan. (Num. 6:22-27) Lapud satan et lalon nigloria so ngaran nen Jehova ed amin a nasyon. (Basaen so Deuteronomio 8. Diad panaon tayo, panon ya onkikiwas si Jehova unong ed kabaliksan na ngaran to? 9, 10. Diad impideneng tod saray Israelita, panon ya lalon inggloria nen Jehova so ngaran to, tan antoy resulta? SAY PANAG-BANTAYAN 4:5-8; Salmo 86:7-10.) Anggan saray aliwan Israelita et nandayew met ed si Jehova. Singa da met imbaga so inkuan na Moabitan si Rut ed si Noemi: “Say baley mo sikato so baley ko tan say Dios mo, Dios ko.”—Rut 1:16. 10 Diad loob na 1,500 taon, nanengneng so nanduruman kualidad nen Jehova diad impideneng tod saray Israelita. Anggano rebelyoso ira, nansiansia si Jehova bilang “Dios a mapangasi” tan “mapalna ya onsanok.” Talagan impanengneng toy andukey a panag-anos. (Exo. 34:5-7) Balet angangga itan ya inkaanos to sanen impulisay tan pinatey na saray Judio so Anak to. (Mat. 23:37, 38) Kanian manlapud saman et aliwa lan say literal ya Israel so pinilin nasyon na Dios. Nagmaliw la ran inatey ed espiritual, singa kiew ya amagaan. (Luc. 23:31) Anto la kasi epekto na satan ed panmoria dad ngaran na Dios? 11 Sinmabi panaon et linmesay tradisyon na saray Judio ya agkuno nepeg ya bitlaen so ngaran na Dios. (Exo. 20:7) Kanian say ngaran na Dios et kalkalnan ag-inusar ed Judaismo. Seguradon asakisakitan si Jehova ed agda impanrespeto ed ngaran to. (Sal. 78:40, 41) Diad tua, ibabagay Biblia ya “say ngaran to et Maimon,” kanian sanen ag-itan inggalang na saray Israelita, impulisay to la ra. (Exo. 34:14) Naaralan tayod satan ya talagan importante so panrespeto ed ngaran na Manamalsa tayo. BALON NASYON YA TINAWAG ED NGARAN NA DIOS Panamegley nen Jeremias, impaamta nen Jehova so gagala to ya mangiletneg na ‘sakey a balon sipanan’ ed sakey a balon nasyon, say espiritual ya Israel. Impropesiya nen Jeremias ya amin a kabiangan na satan a nasyon, ‘manlapu ed kamelagan anggad 12 11. Akin et ag-inusar ed Judaismo so ngaran na Dios? 12. Panon ya pinawala nen Jehova so balon nasyon ya impropesiya nen Jeremias? MARSO 15, 2013 kabalbalgan ed sikara,’ et kabaten o ‘amtaen da si Jehova.’ (Jer. 31:31, 33, 34) Ginmapon asumpal itan ya propesiya nen Pentecostes 33 C.E. sanen inletneg na Dios so balon sipanan. Say balon nasyon, say “Israel na Dios,” a tutugyopen na saray Judio tan aliwan Judio, et nagmaliw ya “totoon parad ngaran [na Dios]” odino “saray totoon tatawagen ed ngaran ko,” so inkuan nen Jehova. —Gal. 6:16; basaen so Gawa 15:14-17; Mat. 21:43. 13 Bilang ‘totoon tinawag ed ngaran na Dios,’ inusar na saray kabiangan na satan ya espiritual a nasyon so ngaran na Dios, lautla no mangaon irad Hebreon Kasulatan.1 Kanian sanen nampaliwawa si apostol Pedro ed arap na saray Judio tan proselitan nanlapud nanduruman bansa nen Pentecostes 33 C.E., aminpiga ton binitla so ngaran na Dios. (Gawa 2:14, 20, 21, 25, 34) Inggalang na saray inmuunan Kristiano so ngaran nen Jehova, kanian benendisyonan toy sagpot da ed panagpulong a kimey. Diad panaon tayo, bebendisyonan met nen Jehova so ministeryo tayo sano maliket tayon iyaabawag so ngaran to tan sano ipapanengneng tayo itan ed saray interesado diad mismon Biblia ra no posible. Lapud satan et nipapakabat tayo ra ed tuan Dios. Baleg itan ya pribilehyo tayo, tan ontan met ed sikara! Sano nakabat day ngaran nen Jehova, nayarin ditan la onggapo so pikakaaro dad sikato ya onelet lan onelet tan mansiansia anggad angga. 14 Diad inlabas na panaon, akaloob so apostasya ed Kristianon kongregasyon, lalo la nen inatey la ray apostol. (2 Tes. 2:3-7) 1 Nabasa so Tetragrammaton ed Hebreon sulsulat ya inusar na saray inmuunan Kristiano. Wala ray ebidensya ya nabasa met itan ed akadkauna iran kopya na Septuagint, sakey a Griegon patalos na Hebreon Kasulatan. 13. (a) Kasin inusar na saray inmuunan Kristiano so ngaran na Dios? Ipaliwawa. (b) Antoy nibagam ed pribilehyom ya usaren so ngaran na Dios diad ministeryo? 14, 15. Anggano kinmayat so apostasya, antoy ginawa nen Jehova parad ngaran to? 27 Inalig ni ingen na saray palson managbangat so tradisyon na saray Judio—say agpangusar ed ngaran na Dios. Balet kasin paulyan labat la nen Jehova ya nalingwanan so ngaran to? Siempre andi! Anggano agtayo la amta so eksakton panangibalikas ed ngaran to, nansiansia itan anggad panaon tayo. Diad inlalabas na panaon, nanengneng itan ed saray nanduruman bersion na Biblia, ontan met ed sulat na saray iskolar na Biblia. Alimbawa, nen 1757, insulat nen Charles Peters ya say “Jehova” so “talagan mangipapabitar ed personalidad [na Dios],” aliwan singa saray nanduruman titulo to. Nen 1797, diad sakey a libro nipaakar ed panagdayew ed Dios, oniay insulat nen Hopton Haynes diad gapo na kapitulo 7: “JEHOVA, say ngaran na DIOS na saray Judio; say alenleneg ya dinayew da; dinayew met nen Kristo tan saray Apostol to.” Si Henry Grew (1781-1862) et agto labat inusar so ngaran na Dios noagta binidbir to met ya satan et abalaw tan kaukolan ya napasanto. Ontan met nen George Storrs (1796-1879) ya maapit a kaaro nen Charles T. Russell, inusar toy ngaran na Dios, a singa met si Russell. 15 Agnalingliwanan so taon ya 1931, ta diad saman et nandesisyon iray Internasyonal ya Estudyante na Biblia, say tawag ed saray lingkor na Dios ed saman a panaon, ya usaren da lay Makasulatan ya ngaran a Saray Tasi nen Jehova. (Isa. 43:10-12) Impakabat dad mundo ya bilang “totoon parad ngaran to,” maliket iran manlilingkor ed alenleneg a tuan Dios, tan igagalang day ngaran to. (Gawa 15:14) Lapud satan et nanonotan tayo imay imbaga nen Jehova ya nabasad Malaquias 1:11: “Manlapu ed leletakan na banwa angga ed seselekan, say ngaran ko sikato naani so baleg ed saray [nasyon].” MANAKAR ED NGARAN NEN JEHOVA amin a baley manakar ira balang sakey ed ngaran na dios to; et manakar itayo naani dia ed ngaran nen Jehova a Dios tayo ed ando lan ando lawas.” (Miq. 4:5) Talagan baleg ya kagalangan so impangiyabuloy nen Jehova ya usaren na saray Estudyante na Biblia so ngaran to. Paneknek met itan ya aabobonan to ra. (Basaen so Malaquias 3:16-18.) Sika ey? Gagawaen mo kasi anggaay nayarian mon ‘manakar ed ngaran nen Jehova’? Panon mon nagawaan itan? 17 Niay taloran paraan ya nipanengneng tayon manaakar itayod ngaran na Dios. Unona, nepeg tayon iyabawag so ngaran to, lapud amta tayon saraman labat so “ontatawag ed ngaran nen Jehova [so] nilaban.” (Roma 10:13) Komadua, kaukolan tayon aligen iray kualidad nen Jehova, nagkalalo lay aro. (1 Juan 4:8) Tan komatlo, manaakar itayod ngaran na Dios no maliket tayon uunoren iray matunong ya ganggan to, tan agtayo manggagaway pakabalawan na masanton ngaran na Ama tayo. (1 Juan 5:3) Kasin determinado kan ‘manakar ed ngaran nen Jehova a Dios tayo ed ando lan ando lawas’? 18 Asingsingger lan saramay mangibabaliwala tan onsusumpad si Jehova et napilitan ya mamidbir ed sikato. (Eze. 38:23) Kaibad saratan so amin ya singa say Faraon ya angibagan: “Siopa ta si Jehova, a nepeg ko a dengelen so boses to?” Amoria to lanlamang no siopan talaga si Jehova! (Exo. 5:1, 2; 9:16; 12:29) Balet sikatayo, maliket tayon kinabat si Jehova. Maliket itayo met lapud uusaren tayoy ngaran to tan kabiangan itayod organisasyon to ya manguunor ed sikato. Kanian agtayo takotan so arapen lapud tooren nen Jehova so sipan ya nabasad Salmo 9:10: “Saray mikabat na ngaran mo, ’yan da so panmatalek da ed sika; ta sika, Jehova, agmo [ikaindan] so saray mananap ed sika.” Insulat nen propetan Miqueas: “Saray 17. Panon itayon makapanakar ed ngaran na Dios? 16. Akin et nepeg tayon ipasen ya kagalangan so 18. Akin ya amin a mangigagalang ed maglorian ngaran nen Jehova et agda nepeg a takotan so arapen? 16 panakar ed ngaran nen Jehova? 28 SAY PANAG-BANTAYAN Talaga Kasin Insulat Itan nen Josephus? Diad Volume 20 na libron Jewish Antiquities ya insulat na historian a si Flavius Josephus nen inmunan siglo, tinukoy to so impatey nen “Santiago, say agi nen Jesus a kabkabat bilang say Kristo.” Dakel ya iskolar so manisian insulat iya nen Josephus. Balet, wala met so kabiangan na sayan libro ya kukuestionen na arum ya iskolar. Oniay nabasad satan a parapo ya tinawag dan Testimonium Flavianum: “Natan, diad sayan panaon, si Jesus, sakey a marunong a too, no dugan tawagen a too, ta dakel so makapakelaw a ginawa to—amayamay a totoo so maliket ya dinmengel ed bangat to. Dakel so asagyat ton Judio, tan dakel met iran Gentil. Sikato so [say] Kristo; tan sanen sikatoy impaipasak nen Pilato ed krus lapud sugsog na saray manunaan a lalaki ed limog tayo, sikatoy agtinaynanan na saramay inmunan angarod sikato, ta sikatoy binmilay lamet ed komatlon agew tan nampanengneng ed sikara, impasakbay la iya na saray propeta na Dios ontan met ed samplon libo ni ran makapakelaw a bengatla nipaakar ed sikato; tan say grupo na saray Kristiano, ya inngaran ed sikato, et wala nin siansia anggad natan.”—Josephus—The Complete Works, impatalos nen William Whiston. Nansengegan iya na debati manlapu lad pansamposampot na koma 16 siglo—say arum et manisian talagan insulat iya nen Josephus, balet wala ray mangikuestion. Nan-research si Serge Bardet, sakey ya French historian tan ekspertod classical literature, pian nalinewan iyan pandedebatian na saray iskolar ed apatira lan siglo. Saray resulta na impan-research to et insulat tod libro ya Le Testimonium Flavianum—Examen historique ´ considerations historiographiques (The Testimonium Flavianum—A Historical Study With Historical Considerations). Si Josephus et aliwan Kristiano. Sikatoy sakey ya Judio; kanian say sengegan na sayan debati et lapud tinukoy to si Jesus bilang “say Kristo.” ImMARSO 15, 2013 baga nen Bardet ya inusar nen Josephus iyan titulo lapud “diad Griegon lenguahe, maslak et iyaarum day salitan ‘say’ no bibitlaen day ngaran na sakey a too.” Imbaga met nen Bardet ya lapud walay amta nen Josephus ed Judaismo tan Kristianismo, “aliwan makapakelaw ya usaren [toy] salitan Christos.” Diad tua, “sayan detalye ya ibabaliwala na saray kritiko” et paneknek ya talagan nambilay si Jesus. Posible kasin saya et inyarum labat na sananey ya too ya inalig toy estiloy panagsulat nen Josephus? Base ed saray agawgawa ed saman a panaon tan ed sayan mismon sulat, inkuan nen Bardet ya imposiblin inyarum labat iya na anggan siopa. Imbaga ton anggapon balot so makaalig ed si Josephus lapud nikadkaduma so estilo na panagsulat to. No ontan sirin, akin et panduaruwaan itan na saray iskolar? Unong ed si Bardet, say talagan sengegan no akin ya “agpanisiaan na arum so Testimonium . . . et lapu labat ta wala ray mangikuestion ed satan.” Imbaga to met ya “walay sananey a motibo” na saramay iskolar ya manduaruwa ed satan. No duga komoy panagkatunongan da, napaneknekan dan talagan insulat itan nen Josephus. Agsegurado no kasin lapud sayan research nen Bardet et manguman so opinyon na arum ya iskolar ed Testimonium Flavianum. Say sakey ya akombinsid satan et si Pierre Geoltrain, kabkabat ya ekspertod Hellenistic Judaism tan inaral toy inggapo na Kristianismo. Dati et panisiaan ton say Testimonium et inyarum labat na sananey a too, tan babalawen to ni ingen iramay manisiad satan. Balet angumay panmoria to lapud research nen Bardet. Imbaga ni ingen nen Geoltrain ya “agnepeg a panduaruwaan na anggan siopa ya insulat nen Josephus [so Testimonium].” Siempre, say Biblia so manunan basiyan na Saray Tasi nen Jehova no akin ya papanisiaan dan si Jesus so Kristo.—2 Tim. 3:16. 29 Kalabas na ngalngali 40 taon manlapud impanaral nen Georgina na Biblia, nampabautismo met so asawa to Agkan Balot Nanaandiay Ilalo! Kasin abayag ka lan Tasi nen Jehova tan labay mo met ya nakaibay asawam ed pandayew ed si Jehova? O kasin adismaya ka ta walay inyaralan moy Biblia ya diad gapo Oniay nabasad samay sulat nen Alice ed si Stella: “Segurado ak ya maliket ka no naamtaan mon amay datin iyaaralan moy Biblia nen 1974 et abautismoan ed sayan kakkayari labat a kombension” et interesadon maong balet ta aglanlamang nantultuloy? No ontan so situasyon mo, wala ray pigaran eksperiensyad Britain ya makatulong ed sika pian agka naandiay ilalo. Naaralan mo met no antoy nagawaan mo pian aliling to et makapangibuntok kay ‘tinapay ed tapew na saray danum,’ diad ontan et natulongan mo iramay agni angawat ed katuaan.—Ecl. 11:1. AGKA ONSUSUKO Ipanengneng mon determinado ka. Agkan balot ontutunda ed panlilingkor mod si Jehova. (Deu. 10:20) Ontan so ginawa nen Georgina. Sanen inyaralan na saray Tasi nen Jehova nen 1970, mamapasnok so asawa ton si Kyriacos. Sesebelan ton manaral, agto palooben iray Tasi ed abung da, tan ibabantak toy amin ya nanengneng ton publikasyon na saray Tasi. Lalon asanokan si Kyriacos nen mimiaral lay Georgina. Aminsan et linmad Kingdom Hall ta labay toy midebati. Nen naimano na sakey ya sister a mas amta nen Kyriacos so mansalitay Griego nen say man-English, tinawagan toy sakey ya Griegon brother ed sananey a kongregasyon pian onlan mitongtong ed si Kyriacos. Lapud maomaong imay brother, maabig so epekto tod si Kyriacos, tan pigaran bulan to met ya niyaralay Biblia. Balet tinmunda met lanlamang. Masulok nin taloy taon ya inanosan nen Georgina so panesebel na asawa to. Imbaga nen Kyriacos ya isian to no manpabautismo. Diad agew na pampabautismo nen Georgina, sikatoy impapuson nampikasi ed si Jehova ya agkomon taynan nen Kyriacos. Sanen sikatoy sinamar na saramay Tasin piluganan to paonlad asemblea, imbaga nen Kyriacos ya: “Una ki’ la. Ontumbok kami.” Sikatoy inmatendi ed saman a kabuasan tan anengneng toy impanpabautismo nen asawa to! Kayari na satan, agla tanton sesebelan nen Kyriacos si Georgina, tan kalkalnan anguman. Kalabas na ngalngali 40 taon manlapud impanaral nen Georgina na Biblia, nampabautismo met so asawa to! Antoy akatulong ed si Kyriacos? Oniay inkuan to: “Pandinayewan koy Georgina ta talagan pursigido.” Oniay imbaga met nen Georgina: “Anggano sinebelan ak nen asawak, agkon balot ninonot so ontundad panlingkor ed Dios ko. Agak met tinmundan nampikasid si Jehova, kanian agak balot naandiay ilalo.” MARSO 15, 2013 IPANENGNENG SO BALON PERSONALIDAD Say sakey nin makatulong et say pangipanengneng moy Kristianon personalidad. Pinaseseg nen apostol Pedro iray Kristianon asawan bibii: “Manpasakop kayo ed kaasawaan yon dili, ta no bilang walaray ag-ontutulok ed salita, magmaliw iran matulok lapud ugali yo anggano agkayo mansalita.” (1 Ped. 3:1) Inyaplika nen Christine itan a simbawa. Anggaman ontan, linmabas ni dakel a taon antis ya atangguyor so masiken ton si John. Sanen nan-Tasi Christine masulok a 20 taon lay apalabas, si John et agmanisia ed Dios. Agto labay so mibiang ed anggan anton relihyon, balet nanenengneng ton maliket si Christine ed balon relihyon to. “Nalikas kon talagan maliket so akulaw ko,” so kuan to. “Mas binmaleg so talek kod sikato, tan satan so akatulong ed siak diad dinadalan min mairap iran situasyon.” Agbalot pinilit nen Christine si John ya magmaliw met a Tasi. Oniay inkuan nen John: “Diad gapo ni labat et amta nen Christine ya maabig no agmi pantongtongay relihyon. Inalagar ton manbolun ak ya manaral, agto ak inapura.” No walay artikulod Say Panag-bantayan odino diad Onliing! ya amta nen Christine ya labay nen John, singa saray nipaakar ed siensia, ayayep o tantanaman, ipanengneng tod sikato insan to ibagan, “Segurado ak, nagustoan mo ’ya.” Sanen nanretiroy John, malaem lay panaon ton nonoten iray tepet ya singa say, ‘Basta labat la kasi linmesay bilay, o walay amalsad sikatayo?’Aminsan, walay brother ya akaistoryaan nen John ya say kuan to et, “Anto kasi no manaral kay Biblia?” “Lapud diad saman et nakokombinsi ak lan walay Dios,” so kuan nen John, “inmabuloy ak.” Maong labat ta agsinmukoy Christine! Kayari 20 taon ya pampipikasi ton awaten met komon nen masiken to so katuaan, abautismoan a siansiay John. Natan et saniba la ran masetseseg ya manlilingkor ed si Jehova. Oniay komento nen John: “Atangguyor ak lapud duaran rason. Say sakey et makaaro tan maomaong iray Tasi. Ontan met, no say asawam et Tasi nen Jehova—matoor, napanmatalkan, tan masakripisyo so kaibam ed bilay.” On, inyaplika nen Christine so 1 Pedro 3:1, tan maabig so resulta! 31 TINMUBO SO BINI KAYARI PIGARAN TAON Panon to balet iramay inyaralay Biblia ya agnantultuloy so interes da? “Dia ed kabuasan itanem mo so binim, tan dia ed labi agmo ipiko so limam,” so kuan nen Arin Solomon, “ta agmo amta no anto so onaligwas, no saya kasi odino saman, no sikara kasi nampadpara naani a maong.” (Ecl. 11:6) No maminsan, pigaran taon ni onlabas antis ya ontubo so bini na katuaan. Anggaman ontan, onsabi lanlamang so panaon ya namoria to ’may too ya importante so iyapit ed Dios. (Sant. 4:8) Ompan sakey agew et nabalitaan mon Tasi la imay datin iyaaralan mo. Ontan so agawad si Alice, sakey a biin taga India ya nanayam lad England. Nen 1974, sikatoy ginmapon nanaral na Biblia. Say salita to et Hindi, balet labay toy makaaral na English. Pigaran taon met ya inyaralan si Alice, tan akapiaral met ed English congregation. Amta ton nalmo to lay katuaan balet ta agto inikday importansia. Insan andi lay pinonot to et kuarta tan mahilig ya onlad party. Kanian intunda toy panaaral toy Biblia. Kalabas na ngalngali 30 taon, si Stella, say sister ya angiyaral ed si Alice, et akaawat na sulat. Nanlapu itan ed si Alice tan oniay insulat to: “Segurado ak ya maliket ka no naamtaan mon samay datin iyaaralan moy Biblia nen 1974 et abautismoan ed sayan kakkayari labat a kombension. Baleg so nitulong mod bilay ko. Sika so angitanem na bini na katuaan ed siak, tan anggano agak ni akaparaan ed saman ya idedikay bilay kod Dios, agkon balot inabuloyan ya naandi itan ed isip tan pusok.” Anto kasi agawa? Inistorya nen Alice ya sikatoy a-depress a maong sanen inatey so asawa to nen 1997. Kanian nampikasi ed Dios. Kayari samploran minuto, duaran Tasi ya mansasalitay Punjabi so tinmoktok ed abung to tan angitilak iray tract ya What Hope for Dead Loved Ones? Alikna nen Alice ya saya so ebat ed pikakasi to kanian nandesisyon ya kontaken lamet iray Tasi nen Jehova. Panon to ra balet ya naromog? Nibanbanan nalmo toy daan ya diary to ya wadman imay inter nen Stella ya address na Kingdom Hall na Punjabi congregation. Linma diman si s Libren i-download iyan magasin tan arum nin publikasyon ed www.jw.org /pag Alice tan sikatoy maaron in-welcome na saray agagi. “Anggan sanen akaalis ak la, siansian sankaliknak ni so panangaron impanengneng da tan saman so tinmulong pian nalabanan koy ermen ko,” so kuan nen Alice. Manlapu lad saman et regular lan akiaral si Alice tan intuloy toy nanaral na Biblia, tan inaral to met so salitan Punjabi. Nen 2003, sikatoy abautismoan. Oniay nabasad bandad sampot na sulat tod si Stella: “Misalsalamat ak ed impangitanem moy bini katuaan 29 taon lay apalabas tan ed maabig ya alimbawam.” Antoy naaralan mod sarayan eksperiensya? No say sakey ya too et matua, mapaabeba, tan naeera “Misalsalamat ak ed impangitanem moy bini katuaan 29 taon lay apalabas tan ed maabig ya alimbawam.”—Alice san ed espiritual, pabalegen nen Jehova so bini katuaan ed puso to anggano iisipen mon singa mabayag. Tandaan imay ilustrasyon nen Jesus: “Saray bini et ontutubo tan ombabaleg, ya [ag-amta na samay nantanem] no panon a nagagawa itan. Say dalin a mismo so kalkalnan mamapawala na bunga, unona say bulong, insan say pugnel, tan diad kaunoran et say binmuyag lan dawa.” (Mar. 4:27, 28) Satan ya bini et kalkalnan ombaleg a “mismo.” Diad tua, ag-amta na kada managpulong na Panarian no panon iyan nagagawa. Kanian agka ontutundan mantanem na dakel. Diad ontan et dakel met so anien mo diad arapen. Tandaan mo met ya importante so pikakasi. Si Georgina tan Christine et agtinmundan nampikasid si Jehova. No ‘mantultuloy kan manpikasi’ tan agnanaandiay ilalo, “kayari na saray dakel ya agew,” naromog mo lanlamang so “tinapay” ya imbuntok mod tapew na saray danum.—Roma 12:12; Ecl. 11:1. Sarag mo met ya basaen online so New World Translation w13 03/15-PN